O líder Interrías saíu ao partido con ganas de facer bo o empate da semana pasada en Abegondo e devolver todo o cariño das cerca de 300 persoas que acercáronse ao campo novo de San Pedro. As de Villalonga saíron ao verde con moitas ganas e decisión, tendo as ocasións mais claras pero a falta de acerto volveu a penalizar as galegas que non pudieron pasar do empate a dous.
Tras errar varias ocasións, as galegas volveron a recibir un gol nos primeiros intres do encontro. Marcaba o minuto 12 de encontro, cando a dianteira do filial sportinguista, Elena disparaba á escuadra de Morais, que non puido facer máis que mirar como entraba o balón ao fondo das mallas.
Luis Treviño, adestrador do Viajes Interrías: “O Sporting é un filial que nunca lle perde a cara ao partido”.
Pronto tivo reacción por parte das de Villalonga e xa no 17′ Noelia Pereira faría o primeiro dos dous que anotaría no encontro. 20 minutos máis tarde faría o segundo para poñer por diante as galegas. Con 2-1 no marcador chegaríase ao tempo de lecer.
Luis Treviño, adestrador do Viajes Interrías: “Tras o empate foi un rosario de ocasións pola nosa banda. Tivemos tres paus e tres xogadas moi claras que non fomos capaces de materializar”.
Tras o descanso, as pupilas de Treviño seguiron levando o peso do encontro e protagonizando as ocasións, pero sería de novo Elena quen volvería a poñer as táboas e o 2-2 que sería definitivo. Tras o empate, o Viajes Interrías foi protagonista absoluto e monipolizou o encontro, pero sen acerto. Empate que deixa as de Villalonga no máis alto da táboa a pesar de que as sensacións son de perder dous puntos en San Pedro.
Luis Treviño, adestrador do Viajes Interrías: “Dous puntos que se escapan de San Pedro e só quédanos seguir traballando. Quédannos 8 finais”.
