Gañar para seguir liderando o Grupo 1 da Primeira División Nacional. Ese é o obxectivo co que o Viajes Interrías recibe no seu feudo a un Gijón Fútbol Femenino necesitado de puntos, dous por riba do descenso.
As pupilas de Luis Treviño afrontan o partido sen ninguna baixa e quere comezar esta segunda volta recuperando sensacións tras a derrota da última xornada do ano, contra o CD Monte.
Luis Treviño, adestrador do Viajes Interrías: “Sabemos que non vai ser un partido fácil. Na xornada inaugural do campionato xa sufrimos moito e tivemos que remontar o partido, xa que elas se adiantaron no marcador”.
O técnico galego falou do partido contra o Gijón da primeira volta e comentaba que “cada domingo temos a mesma presión, dá igual que sexamos líderes ou sexamos terceiras, temos que retomar a competición e traballar da mellor maneira para afrontar o partido con garantías. Sabemos que non vai ser un partido fácil. Na xornada inaugural do campionato xa sufrimos moito e tivemos que remontar o partido, xa que elas se adiantaron no marcador”.
O conxunto de Villalonga quere nesta segunda volta seguir no máis alto da táboa. Para eso, cada xornada será unha conta atrás e un día menos para tachar no calendario. “Queremos tentar comezar con bo pé a segunda volta. Agora xa é descontar xornadas e cada partido que consigamos sumar de tres en tres achegaranos a un obxectivo ambicioso que é o primeiro posto”, comentaba Treviño sobre o obxectivo das galegas nesta segunda volta que empeza mañá.
Luis Treviño, adestrador do Viajes Interrías: “Agora xa é descontar xornadas e cada partido que consigamos sumar de tres en tres achegaranos a un obxectivo ambicioso que é o primeiro posto”.
