O duelo de primeira na Copa Deputación entre o Atlético Arousana e Viajes Interrías caeu do lado das visitantes (1-3) que impuxéron o seu dominio e esperan rivais como semifinalistas do torneo copeiro.
As amarelas propuxeron un duelo coa mesma estratexia que lles permitíu empatar (1-1) na competición doméstica no mesmo escenario o pasado 19 de xaneiro. Esta vez non puideron frear ao colíder da Primeira Nacional que levou a iniciativa do xogo e gozaron de moitas ocasións.
O conxunto dirixido por Luis Treviño púxese por diante no marcador no minuto 32 cun gol de Eva Dios e dez minutos despois, Catarina faría o segundo no luminoso. Tras esa xogada e antes do descanso, o Arousana quedaríase con 10 xogadoras pola expulsión con cartón vermello directo a Moital por unha riña dialéctica con Machado.
Filipa, xogadora de campo e irmá da porteira titular Morais, volveu a ocupar a meta do Viajes Interrías como xa fixera a pasada xornada ante o Victoria FC. Xa no último cuarto de hora do partido, reapareceu a gardamallas Belo tras deixar atrás as súas doenzas físicas.
O rival de semifinais do conxunto de Villalonga será o ganador da eliminatoria entre Arcadia-Umia, que disputarase nas vindeiras semanas.
