Os éxitos seguen chegando á carreira da futbolista galega Vero Boquete. A actual xogadora do A.C. Milán foi galardoada pola FIFA como unha das mellores xogadoras do mundo. É a única deportista española nese equipo ideal.
A compostelá é a única española que entra no once ideal a nivel mundial, e o fai xunto a outras estrelas do deporte como Lucy Bronze (gañadora ademais do premio á mellor xogadora) ou Harder e Renard.
Malia non estar incluída na última convocatoria da Selección Española, Boquete tivo este recoñecemento internacional pola súa boa tempada no club estadounidense Utah Royals, no que xogaba ata a súa fichaxe polo equipo italiano. Co AC Milan tamén segue colleitando éxitos en forma de vitorias na Serie A.
Boquete agradece o apoio das compañeiras futbolistas
A centrocampista (segunda española en acadar este premio da FIFA despois de Irene Paredes) mostrouse no seu perfil de Twitter moi agradecida polo apoio recibido, aínda que confesaba que considera que non é quen de recibilo.
HONORED & GRATEFUL for the votes of teammates & rivals. THANKS for your respect, love and appreciation.
However, I do not think I deserve to be in The Best World11 this year. pic.twitter.com/HmL1F28Hb2— Verónica Boquete (@VeroBoquete) December 18, 2020
“Foi unha sorpresa formar parte do once ideal do mundo. Ao mellor outras xogadoras tiveron en conta toda a miña carreira. De todas formas, se fun escollida polas xogadoras debería aceptalo e agradecelo. É un gran honor ser seleccionada polas túas compañeiras. É unha mostra de respeto, cariño e aprecio”, comentou a futbolista noutro tuit.
Vero Boquete: “É un gran honor ser seleccionada polas túas compañeiras. É unha mostra de respeto, cariño e aprecio”
O once o completan:
- Christiane Endler (PSG)
- Millie Bright (Chelsea)
- Lucy Bronze (Lyon)
- Wendie Renard (Lyon)
- Barbara Bonansea (Juventus)
- Delphine Cascarino (Lyon)
- Harder (Chelsea)
- Tobin Heath (United)
- Miedema (Arsenal)
- Rapinoe (OL Reign)
A galega ven ademais de participar nunha iniciativa da Real Academia Galega e da Universidade de Santiago de Compostela de promoción da nosa lingua.
A nosa terra, a nosa lingua. @AcademiaGalega https://t.co/X4okonaozq https://t.co/CKi2mGFesb
— Verónica Boquete (@VeroBoquete) December 15, 2020
