A futbolista galega Vero Boquete segue trunfando na Serie A italiana. A centrocampista renova o seu contrato coa AC Milan, de maneira que seguirá competindo como rossonera na tempada 2021/2022.
A compostelá chegou ás filas do equipo milanés o pasado mes de novembro, e desde entón participou en 18 partidos, incluíndo a Serie A, a máxima categoría do fútbol italiano, a Coppa Italia e a Supercoppa.
Durante o seu tempo como rossonera, a galega anotou dous goles que o propio AC Milan clasifica de “decisivos” no partido de volta da semifinal da Coppa.
A propia futbolista tamén compartiu a noticia no seu perfil de Instagram, declarándose “feliz de continuar outro ano xuntas, orgullosa de vestir a camiseta rossonera“.
Ver esta publicación en Instagram