A futbolista galega Vero Boquete confirma a súa saída do AC Milan publicando unha despedida nas súas contas oficiais en redes sociais. “Non é a mellor situación, pero saír é a mellor solución. Foi un privilexio vestir esta camiseta e defender estas cores. Só podo agradecer ao AC Milan e aos afeccionados pola oportunidade e polo afecto”, comenza decindo a deportista.
Para esa despedida da elástica negra e vermella do AC Milan Vero Boquete emprega unha imaxe lucindo a ‘rossonera‘ e festexando un gol co seu xesto do polvo (que leva anos usando en lembranza a Galicia).
Ver esta publicación en Instagram
“As últimas semanas non foron fáciles e teño que ser coherente. É difícil traballar cando a xente escoita só para responder e non para entender e mellorar. Sendo así, o mellor é pechar esta fase e empezar unha nova na que me permitan quedarme no campo e gozar do fútbol”, explica a futbolista galega.
Vero Boquete da as “grazas a todas as persoas coas que puiden traballar na miña etapa milanesa e, sobre todo, ás que estiveron preto ao final. O fútbol fará que nos reencontremos”.
A deportista galega non di cal será o seu destino futbolístico neste mercado de inverno pero soa a Fiorentina, tal e como informou As Nosas hai uns días.
