O Dépor ABANCA vén de anunciar que reforza o centro da defensa coa fichaxe para esta tempada 2024-25 da xogadora Vera Martínez Viota (Astillero, Santander, 13 de agosto de 1999). Pola posición que ocupa no campo, a santanderina é a remuda lóxica para Inés Altamira que non seguirá na disciplina deportivista na vindeira tempada futbolística.
Segundo informa o club branquiazul “a futbolista procede do CA Osasuna, onde militou as dúas últimas temporadas (2022-23 e 2023-24), disputou un total de 51 partidos (50 deles como titular) e anotou 3 goles na segunda categoría do fútbol feminino nacional”.
Ver esta publicación en Instagram
Vera Martínez Viota xa debutou en Liga F, posto que na campaña 2021-22 xogou 13 partidos, 7 deles como titular, co Deportivo Alavés, club co que logrou ascender a Reto Iberdrola (hoxe Primera Federación Iberdrola) e á Liga F.
A fichase deportivista Vera Martínez Viota é “internacional coa Selección Española en categoría Sub-19. Comezou a súa carreira no Reocín Racing B na temporada 2013-14 antes de pasar ao primeiro equipo a temporada seguinte. Tamén vestiu a camiseta da Ave Fénix Racing de Torrelavega”, apuntan desde o RC Deportivo.
Vera Martínez primeira fichaxe do curso no Dépor ABANCA tras 10 renovacións
Deste xeito, Martínez Viota convértese no primeiro reforzo das Nosas esta temporada após as renovacións xa confirmadas de Lucía Martínez, Carlota, ADT (Ana de Teresa), Henar, Eva Dios, Millene Cabral, Raquel García, Yohana, Samara e Cris Martínez.
