O pasado domingo, 27 de setembro, celebrouse o 6º Karting de O Porriño, circuíto ubicado na provincia de Pontevedra. Vera Bouza, única participante feminina na categoría X30 Junior, rematou a proba en terceiro lugar manténdose así á fronte do Campionato Galego nos X30 Júnior.
A do Porriño foi da quinta proba do Campionato Galego de Karting, que organiza a Federación Galega de Automobilismo e que rematará no mes de outubro.
Bouza foi a única rapaza competindo na categoría X30 Junior e rematou a competición cun tempo de 12:27.957 o que a fixo alcanzar a terceira posición, aos mandos dun OTK Victory R, e así manter o seu primeiro lugar no Campionato Galego nesa categoría.
A clasificación final do torneo na categoría X30 Junior encabezouna Christian Domínguez Sendón, que forma parte da escudería Iván Domínguez Marquez. Seguiulle Iker Calviño Vázquez, ocupando o segundo lugar conducindo un Seijo Kart.
A piloto galega Vera Bouza atópase liderando o primeiro posto da categoría segundo se recolle na clasificación publicada pola Federación Galega de Automobilismo e está patrocinada por Corgal Automóviles, concesionario KIA de Narón, A Coruña e Carballo.
Vera Bouza competirá na seguinte carreira que será na Magdalena
A seguinte proba que terá lugar será a 34º Karting de A Magdalena, onde a piloto de Narón patrocinada por Corgal Automóviles KIA seguirá pelexando para manter ese primeiro posto no podio do Campionato Galego de Karting na categoría X30 Junior.
