A piloto Vera Bouza rematou a competición autonómica en segunda praza. Desde agosto, a piloto natural de Narón mantíñase á fronte da clasificación na categoría X30 Júnior do Campionato Galego de Karting, pero no final da competición acabou por ocupar a segunda praza na clasificación. Bouza, patrocinada por Corgal Automóviles, concesionario KIA en Narón, competiu coa escudaría As Pontes Motorsport e quedou moi preto da puntuación do actual campión, Christian Domínguez Sendón.
O pasado mes de agosto, Vera Bouza comezó a liderar o ránking galego de Karting na categoría X30 Júnior, segundo a clasificación publicada pola Federación Galega de Automobilismo. Desde entón, os números de Bouza continuaron a ser moi bos, polo que revalidou dito posto nas dúas competicións seguintes: o 33º Karting da Magdalena e o 6º Karting de O Porriño.
No 34º karting da Magdalena, Vera Bouza tamén rematou segunda
Na última proba, a sexta deste campionato, repetíase circuíto ao se celebrar o 34º Karting da Magdalena. Desta volta a choiva, e a sorte non acompañaron á piloto. Bouza rematou a proba no segundo lugar e con iso Christian Domínguez adiantouna na clasificación final de pilotos da Federación Galega de Automobilismo.
