A pasada fin de semana deu comezo o Campionato de Galicia de Karting 2020 X30-KZ2. A quinta edición do Kárting do Porriño foi a proba que inaugurou a tempada do campionato galego para esta modalidade de motor. Vera Bouza Torrente, finalizou a proba no cuarto posto entre os X30-KZ2 e foi a terceira junior.
O domingo 8 de marzo arrincaba a competición autonómica coa celebración do 5º Kárting do Porriño para as categorías rookie, alevín, cadete e X30-KZ2.
Vera Bouza Torrente, patrocinada por Corgal Automóviles, concesionario KIA de Narón y A Coruña, é unha piloto naronesa de 13 anos que comezou a súa andadura no kárting a tempada pasada. Na súa breve traxectoria xa acadou subirse ao podio en algunha ocasión. Na campaña 2019, na que era cadete, finalizou o Campionato de Galicia de Kárting en quinta plaza aos mandos do seu FA NEOX. Xa daquela competía pola escudería As Pontes Motorsport.
Nesta ocasión, no Porriño e xa na categoría X30-KZ2 foi a terceira junior e a cuarta entre todos os X30-KZ2. O triunfo correspondeu a Alejandro Cagiao, ao volante dun Tony Kart, o segundo posto no caixón entre os junior foi para Daniel Abellón, conduncindo un vehículo FA VICTORY R. Vera manexa un OTK FA. Os tres pilotos pertencen a escudería As Pontes Motorsport.
