Esta fin de semana, os días 17 e 18 de abril, celebrouse o 35º Karting da Magdalena, circuíto ubicado no concello de Forcarei, na provincia de Pontevedra. Na proba, puntuable para o Campionato Galego de Karting, a naronesa Vera Bouza rematou en terceiro lugar.
Logo da disputa de dúas carreiras, Vera Bouza sumou 34 puntos no circuíto clasificatorio, que a colocaron na terceira posición da categoría X30 Senior, sendo ademais a primeira e única fémina competindo nesta proba.
Nesta clasificación para o Campionato Galego de Karting, acompáñana no primeiro lugar do podio Sergio Pereira, da escudería José Pereira Marquez con 45 puntos, seguido de Diogo Martins con 42, competindo en nome de As Burgas.
A piloto galega, que compite cun vehículo Tony Kart-401R, segue sumando puntos no Campionato Galego da súa categoría. Vera Bouza, patrocinada por KIA Corgal Automóviles, compite pola escudería As Pontes Motorsport, este ano na categoría X30 Senior.
Consulta aquí a clasificación do 35º Karting da Magdalena
