Oito xogadoras son as elixidas por Anna Junyer para formar parte da Selección Española 3×3 de baloncesto. Unha delas é Vega Gimeno, actual xogadora do Durán Maquinaria Ensino.
O conxunto estatal estará concentrado no inicio do mes de febreiro. Divididas en dous equipos, Vega Gimeno e as demais baloncestistas están convocadas entre o 1 e 4 de febreiro para adestrar. Despois, disputarán o dobre Torneo París Womens NT organizado pola Federación Francesa os días 5 e 6.
Aproveitando o parón de seleccións para a clasificación do EuroBasket 2021, que afecta á Liga Feminina Endesa e á Liga Feminina 2, estas baloncestistas entre as que se atopa Gimeno prepararán o Preolímpico de Graz. Do 26 ao 30 de maio, Austria acollerá a competición que serve de antesala dos Xogos Olímpicos de Toquio.
Gimeno compite ao máis alto nivel internacional
A xogadora do Ensino, Vega Gimeno, enfrontarase co combinado estatal a equipos doutros países cun alto nivel competitivo. A seleccionadora, Anna Junyer, declarou que o Torneo de París “será importante polos rivais. Son seleccións potentes, como Francia, Rusia, xa clasificada para os Xogos, ou Suíza e Austria, á que nos enfrontaremos na primeira fase do Preolímpico. Será un test importante para poñer as bases de cara a ese torneo”.
Anna Junyer (seleccionadora): “É fundamental contar con oito xogadoras e dous equipos, para ver a máis xogadoras competindo a gran nivel”
Sobre o alto número de convocadas neste 3×3, a adestradora asegurou que “é fundamental contar con oito xogadoras e dous equipos, para ver a máis xogadoras competindo a gran nivel”.
O conxunto español contará, ademais de con Gimeno, con outras sete xogadoras españolas:
- Sandra Ygueravide, do Vileneuve D’Asq Lille
- Paula Palomares, do Ynsadiet Leganés
- Aitana Cuevas, compañeira de Palomares no Ynsadiet Leganés
- Laia Flores, do Campus Promete
- Marta Canella, do Barça CBS
- Georgina Bahi, do Cadí La Seu
- Gracia Alonso de Armiño, do Movistar Estudiantes
🔥🔥🔥🔥🔥🔥🔥🔥🔥🔥🔥
Alguien se va a destrozar aros rivales con @BaloncestoESP eh @vegagimeno…Parabéns!!! 👏🏻👏🏻👏🏻#SomosEnsino pic.twitter.com/M4RSwQTm17
— Ensino Lugo (@EnsinoLugoCB) January 28, 2021
