O sábado 13 desenvolverase unha andaina simultaneamente en todos os Grupos de Desenvolvemento Rural. Abegondo, 9 de novembro de 2021 O xoves 25 de novembro conmemórase o Día Mundial da Eliminación da Violencia contra a Muller. Os 24 Grupos de Desenvolvemento Rural ( GDR) de Galicia uníronse para realizar actos que visibilicen unha mensaxe rotunda: “Ou rural, contra violencia de xénero”. No GDR Mariñas – Betanzos as actividades propostas son dúas: a representación dunha obra de teatro e unha andaina. En ambos os casos Betanzos acolle as citas.
A proposta de AGADER, axencia dependente da Consellería do Medio Rural, en colaboración coa Secretaría Xeral para a Igualdade e a Axencia de Turismo de Galicia, os 24 GDRs galegos levarán a cabo unha serie de actos simbólicos buscando a eliminación da violencia de xénero da nosa sociedade. Un dos obxectivos destas accións é darlle visibilidade ás mulleres que residen en poboacións rurais galegas.
O sábado 13 de novembro realizarase unha andaina simultaneamente nos 24 GDRs galegos mostrando a unión do rural en repulsa á violencia de xénero. No caso de Mariñas -Betanzos o traxecto desenvolverase polo Camiño Inglés unindo ao Iglesia de San Martiño de Tiobre e a praza da Constitución en Betanzos. Para esta actividade está aberta a inscrición nesta dirección: https:// forms. gle/ k5 Qfnnp4D9 iakmdL6.
Citouse ás persoas participantes ás 11:30 horas para a repartición de agasallos antes de iniciar o percorrido. Calcúlase que a chegada será sobre as 13:00 horas. #Ante o concello brigantino sacarase unha foto de grupo e lerase un manifesto común para todas as andainas que percorrerán Galicia.
Estas actividades contan coa financiación da Xunta de Galicia, a través do convenio asinado entre a Consellería do Medio Rural e a Consellería de Emprego e Igualdade, froito do Pacto de Estado en Contra da Violencia de Xénero.