A loita galega segue sumando éxitos. No Campionato de España de Loita Sambo e Combat Sambo Senior, a Federación Galega de Loita e D.A. clasificouse na terceira posición coa actuación destacada de Vanesa Muíños na categoría feminina en 72 kg. Tamén participou Mahewa Neira, en 59 kg.
Un cuarto de século despois, a Fegaloita volveu a organizar un campionato Galego de Loita Sambo con case un centenar de participantes, o que serviu de previa para a excelente participación a nivel estatal. A Federación aposta por traballar con todas as modalidades deportivas e a decisión está dando resultados. O número de participantes aumenta malia a pandemia de COVID-19, nunha modalidade deportiva con cada vez máis adeptos.
No que concirne ao campionato estatal, só competiron dúas galegas. Vanesa Muíños, do Independiente de Vigo, acadou o podio colgándose a medalla de bronce na categoría de 72 kg. Na clasificación por clubs, o seu equipo quedou 12º. Pola súa banda, Mahewa Neira, do Senín Cambados, quedou na quinta posición no peso de 59 kg.
Ver esta publicación en Instagram
