A futbolista galega Vane Sotelo, a cuarta mellor xogadora do mundo segundo os Futsal Awards 2020 de Futsalplanet, é o referente elixido pola compañía de autobuses Arriva, patrocinador da AD Alcorcón na que milita a galega, para a súa campaña polo 8M.
A ourensá protagoniza o spot, compartindo cámara con Lucía, unha nena de 7 anos que quere ser futbolista, María Jesús, xefa de tráfico na empresa Arriva e María José, a conductora do bus no que viaxa a cativa.
Baixo o lema ‘Tu destino lo eliges tú‘, a compañía quere transmitir unha mensaxe de empoderamento e empatía social. Collendo dous ámbitos nos que as mulleres aínda están infrarrepresentadas, como é o fútbol e o transporte, Arriva quere favorecer a integración da muller e apoiar o deporte feminino.
Seguindo esta campaña, a AD Alcorcón vístese de morado para “construir unha sociedade na que as nenas libres de hoxe sexan as mulleres libres de mañá”.
ARRIVA MUJER| 📢💜@Vaneyvienen explica el cambio de color de la equipación:
¡Tu destino lo eliges tú! 💪🟣#ArrivaMujer #CorazónAmarillo pic.twitter.com/OSACaF5Kbo
— A.D. Alcorcón F.S.F. (@ADAlcorconFSF) March 7, 2021
Vane Sotelo, estrela do futsal español
Vane Sotelo, ala pívot que chegou á AD Alcorcón procedente do Cidade de As Burgas, é unha internacional habitual nas listas de Claudia Pons. A ourensá suma no seu palmarés un torneo IV nacións coa Selección Absoluta, no 2017, unha eurocopa, no 2019, e ata catro torneos de Moscú coa Absoluta, nos 2015, 2016, 2017 e 2018.
Esta tempada o seu equipo ocupa a terceira posición do Grupo B, a falta de dous partidos, nunha posición lograda tras nove vitorias, dous empates e catro derrotas.
Mira o vídeo da campaña dándolle ao play.
