- A futbolista internacional galega, Vane Sotelo, analizaba a vitoria ante Portugal ao finalizar o partido da Selección Española.
España logrou unha vitoria de moito valor no seu primeiro amigable diante da Selección de Portugal. Aínda que non fose un partido de competición oficial os duelos diante as lusas sempre teñen un significado importante e máis se o triunfo é despois de remontar un 0-2. O gol decisivo chegou a falta de só 68 segundos. A futbolista galega Vane Sotelo, a máxima goleadora da historia desta Selección Española, foi quen marcou ese tanto definitivo (3-2).
A pivote galega Vane Sotelo destaca o valor do triunfo: “Imos contentas. É un partido moi complicado que se pon costa arriba co 0-2 diante un rival como Portugal que é moi difícil. Conseguir darlle a volta ao marcador coido que nos dá moita motivación para o que vén”.
Vane Sotelo declaraba para as redes sociais da Real Federación Española de Fútbol (RFEF) que a primeira parte debe servir para sacar conclusións: “Tivemos dous erros que nos penalizaron con dous goles. Tememos que aprender diso porque rivais como Portugal non perdoan e logo é difícil darlle a volta”.
O tanto da futbolista do Futsi Atlético Navalcarnero chegou tras unha xogada de Irene Córdoba, nunha aposta de Clàudia Pons por poñer o pista a dúas pivotes referencia: “Variamos o xogo de 4-0 e o 3-1 e puidemos estar aí acertadas para facer o gol”.
