Vane Sotelo regresou ás convocatorias da Selección Española absoluta de fútbol sala. A galega, que milita no Futsi Atlético Nalcarnero, recibiu a chamada da seleccionadora Clàudia Pons. É unha das seis galegas que está nunha lista de 14 futbolistas que a adestradora convocou para preparar a fase de clasificación de cara ao Campionato de Europa 2023. Tras a súa lesión, volve vestir a vermella.
No transcurso da concentración na Cidade do Fútbol de Las Rozas, Vane Sotelo concedía unha entrevista á Real Federación Española de Fútbol na que manifestaba que agora valora “todo moito mellor ca antes”.
A deportista lesionábase xustamente xogando con España ante Alcorcón (o seu ex equipo). Estivo preto de 300 días lonxe das pistas ata que volveu, xustamente nun partido do Futsi contra o Alcorcón. E resulta que agora volve tamén coa Selección Española convocada para un amigable contra a AD Alcorcón. Péchase así un ciclo. “Estou moi ilusionada, e moi feliz de volver estar aquí. Foi un ano moi duro. Un ano despois, volver estar aquí coas miñas compañeiras, no mesmo pavillón e xogando contra o mesmo equipo, é un pouco como continuar todo onde houbo unha pausa”, declaraba a RFEF a futbolista.
As lesións son un período polo que ningunha deportista quere pasar, pero o certo e que está ligado á práctica deportiva. Vane Sotelo explica como o viviu en positivo: “Enfróntaste a unha situación para a que ninguén te adestrou. Pasan moitas cousas pola cabeza. Vives situacións que non imaxinas que vas vivir. Supéraste día a día e faste mellor deportista”.
Sobre como atopou á Selección Española ao seu regreso a futbolista falega Vane Sotelo explicaba que o grupo “está moi unido, vén de gañar un Europeo e nótase no grupo, están moi contentas e felices, con ilusión de seguir ganando”.
Pensando nas súas aspiracións persoais e no seu momento actual, Vane Sotelo explicaba nesa entrevista a RFEF: “Volver ser ano de Europeo eu sigo traballando para atopar o meu mellor nivel. Se podo volver estar aquí, esterei moi feliz. Agora valoro todo moito máis ca antes. Tanto esto como outras cousas que me pasaron, con este tempo que tiven para min puiden valorar. Se cadra todo ía demasiado rápido e esta pausa fíxome valorar todo aínda máis. Agora toca centrarme en seguir gozando e que sexa por moito tempo”.
Vane Sotelo é unha das seis galegas na Selección Española
Das 14 futbolistas que convocou nesta ocasión a seleccionadora, seis son galegas. Non chega á metade do equipo, pero case.
A Selección Española absoluta feminina de fútbol sala, dúas veces campioa de Europa, volveu esta semana á actividade. Segundo explica a RFEF as futbolistas que prepara Clàudia Pons están completando a primera semana de preparación para a próxima cita europea. A fase final será o próximo mes de marzo. Antes haberá unha fase de clasificación en outubro.
Hoxe, sábado ás 19.00 horas, xogan un amigable contra a AD Alcorcón.
Seis galegas, na convocatoria da Selección Española absoluta de fútbol sala de Clàudia Pons
