Vitorias moi importantes para o Valladares e o Victoria FC na mañá de hoxe. As de Gabi Couñago venceron por 1-5 no Nando Yosu, mentres que o Victoria FC gañou por 3-1 ao Sárdoma en Santa Isabel. Con esta vitoria, as de Chivi empatan a punto co Dépor B pola terceira praza. O Sárdoma transita pola zona temperada con 23 puntos. As pupilas de Couñago, tras a vitoria a domicilio, son quintas e suman 29 puntos, a dous da cuarta praza.
Fortuna e vitoria
O Valladares visitaba o Nando Yosu do Racing B. Un campo no que nunca é doado sacar puntos a pesar de que o equipo cántabro está en postos de descenso. Comezou ben o duelo para as galegas cando antes do minuto oito xa gañaban por 0-2 tras os goles de Ana e Laura.
Gabi Couñago, adestrador do Valladares: “O resultado é bastante enganoso. Marcamos dous goles pronto, no primeiros dez minutos, pero é certo que elas levaron o peso do partido por momentos”.
A pesar de poñerse por diante moi cedo, o Racing no lle perdeu a cara ao encontro e levou o peso do partido por momentos. “Eses dous goles temperáns fíxonos levar o partido onde queriamos e onde traballaramos durante a semana”, comentaba Couñago tras o pitido final.
A pesar do marcador, o partido igualouse moito e sucedéronse ocasións para ambos equipos. Coa ventaxa pola mínima das viguesas chegaríase ao tempo de lecer. “Na segunda parte tivemos ese punto de fortuna que non temos outra veces para marcar. En canto marcamos o terceiro o partido terminouse”, comentaba Gabi do sucedido tras a reanudación.
Gabi Couñago, adestrador do Valladares: “Na segunda parte tivemos ese punto de fortuna que non temos outra veces para marcar. En canto marcamos o terceiro o partido terminouse”.
Hat-trick de Carla 30 minutos
Tras o descanso, a moeda caeu do lado das galegas e a fortuna estivo do lado das nosas viguesas. As ocasións sucedéronse e o Gabi moveu fichas desde o banco. A súa xogada saíu a perfección. Entrou Carla ao verde e anotou un hat-trick. Tras o encontro, o adestrador galego quixo agradecer o traballo das súas e a labor das xogadoras que saíron de refresco.
Gabi Couñago, adestrador do Valladares: “Creo que a clave foi as xogadoras que saíron desde o banco. Deron o nivel e mesmo lle deron un plus ao equipo. Gustíame destacar a labor de Carla que saíu desde o banco e meteu tres goles”.
Tres puntos que valen ouro en Santa Isabel
Importante triunfo do Victoria FC por 3-1 fronte ó Sardoma nun encontro que non só permitiu ó cadro rojillo adicar a súa primeira victoria na casa no 2020 a súa afección, senon tamén recuperar ó terceiro posto na táboa da 1.ª Nacional Femenina ó aproveitar ó empate entre o Dépor B e o líder Viajes Interrías Fútbol Femenino (3-3).
O conxunto compostelán regresaba ó campo de Santa Isabel logo de disputar dous partidos seguidos a domicilio e amosou gañas e calidade nun partido moi duro e con moito ritmo. O encontro comezaba con dominio local, o Victoria FC fíxose moi cedo co control do balón pero o Sárdoma non renunciaba a sair ó contraataque aproveitando calquera erro das santiaguesas.
Víctor González, adestrador do Sárdoma: “Creo que é un resultado bastante inxusto pero é certo que nos custou entrar no partido e elas ao principio tiveron o dominio do balón”.
Non tardou Noela en abrir ó marcador. A goleadora firmou ó 1-0 ó cuarto de hora tras regatear á gardarredes rival logo dun balón en largo que gañaba por velocidade ás centrais viguesas. Tras un comezo de dominio rojillo, todo parecía indicar que o conxunto que dirixe Chivi Garcia lograría conservar a ventaxa ó descanso, pero unha perda de balón propiciou o empate do rival a falta dun minuto para o descanso. Irene Fernández non fallou e o 1-1 deixaba todo por decidir na segunda metade. A reacción das viguesas foi en forma de gol e de bo xogo.
Víctor González, adestrador do Sárdoma: “O Vitoria FC é un gran equipo pero creo que o resultado non reflicte o visto no campo”.
Tras o paso polos vestiarios o partido cos dous equipos apostando por un xogo moito máis ofensivo. Ánxela Torres pola banda dereita propiciou varias xogadas perigosas que as viguesas mandaban a saque de esquina ‘in extremis’, e foi a propia Ánxela quen soubo aproveitar un centro de Marta para rematar ó fondo da rede e poñer o 2-1 (min. 50) que colocaba ás compostelás de novo por diante.
Víctor González, adestrador do Sárdoma: “A partir do segundo gol delas creo que o dominio foi noso. Demos dous paus e creo que merecimos sacar un resultado máis positivo”.
A pesares do marcador, o Sárdoma apretou coa sua defensa durante toda a segunda metade e gozou de varias ocasións para empatar. Sen embargo, o que sentenciou foi o conxunto compostelán. Nunha contra, Lau asegurou os tres puntos cunha gran definición ó marcar o 3-1 a falta de 4 minutos para o final.
Con este décimo triunfo da tempada, o Victoria FC empata co Dépor B na terceira posición á espera a próxima fin de semana de visitar a un CD Oceja 11.º na clasificación que loita por escapar da zona de perigo. O Sárdoma transita pola zona temperada con 23 puntos e espera acadar unha vitoria no seu feudo a vindeira semana na casa fronte o Valladares.
