Empate a goles nun partido moi igualado entre Valladares e Victoria FC no campo da Gándara. As de Couñago comezaron adiantándose no marcador, pero un gol Angy no minuto 88 puxo as táboas no casilleiro e deixou un punto para cada equipo. O Sárdoma caía pola mímina (3-4) no último partido do equipo no Federativo de Coia, antes de voltar ás Relfas. As viguesas perdían por 0-3 no minuto 30 pero no segundo tempo saíron ao campo con aires renovados e chegaron a poñerse 3-3.
Empate a todo na Gándara
Valladares e Victoria FC firmaron as táboas nun partido marcado pola igualdade. O cadro santiagués acudía a terras viguesas coas baixas unha semana mais de Carmen, Choren, Albita e Carlita e sufriu ata os derradeiros minutos para firmar unhas táboas que manteñen as de Chivi na cuarta posición, dous puntos por riba do Oviedo Moderno B, quinto, tras vencer ao Atlético Arousana (1-0). As de Gabi Couñago, seguen coa súa boa dinámica de xogo e resultados e sitúanse na sexta posición.
Gabi Couñago, adestador do Valladares: “Partido moi igualado, ímonos con sabor agridoce porque creo que tivemos o partido controlado baixo o guión que tiñamos previsto. Perdimos dous puntos nos minutos finais”.
O encontro foi moi disputado tal e como se prevía. Os dous equipos loitaron ata o final nun partido extremadamente igualado onde o balón parado foi decisivo para ambos. Na primeira metade, o cadro rojillo foi quen controlou o esférico pero as ocasións máis claras caeron do lado do vigués.
Gabi Couñago, adestador do Valladares: “Eran tres puntos que nos daban a vida para estar entre as catro primeiras, pero elas tamén son un gran equipo”.
Na reanudación axustáronse ainda máis as forzas. As de Chivi cederon o balón e xa non lograron combinar con tanta claridade. O xogo directo predominou durante largos tramos da segunda metade e parecía que a igualdade sería difícil de romper, pero nun saque dunha falta lateral, chegou o primeiro tanto do encontro para as locais cun gol de María Gómez no minuto 67.
Co marcador en contra as santiaguesas apostaron por subir as liñas e foi cando chegaron as mellores ocasións e máis claras. Nunha destas, chegaría o empate tras un lanzamento de córner. Angy remataba no minuto 88 un centro imparable para a porteira e devolveu as táboas ó duelo.
Gabi Couñago, adestador do Valladares: “Agora temos que pensar no próximo partido xa que se gañamos o próximo partido en Santander faremos por bo o punto de hoxe”.
Empate entre dous equipos moi parellos que deixa a rojillas con 30 puntos na 4ª posición e a viguesas con 26 puntos no 6º lugar da táboa.
O Sárdoma casi obra o milagre no último partido no Federativo de Coia
Nadar para morrer na orilla, así é como se deberon sentir as xogadoras do Sárdoma tras o encontro de hoxe. Nos primeiros 30 minutos de xogo, encaixaron tres goles que puxeron moi custa arriba o encontro para as galegas.
O Sárdoma quixo despedirse do Federativo de Coia cunha vitoria antes de voltar ás Relfas pero un principio de partido moi pouco acertado en defensa lastrou moito a labor das galegas.
Víctor González, adestrador do Sárdoma: “Fixéronnos moito dano coa xente rápida que tiñan arriba, é un equipo moi vertical e directo”.
Tras marchar ao descanso con 0-3 no marcador, Víctor González fixo uns axustes e as galegas saíron ao encontro con outra cara: “No descanso fixemos uns axustes e no minuto 1 da segunda metade xa metimos o primeiro. Chegamos a poñernos 3-3 facendo un gran fútbol e unha gran segunda parte, co equipo moi enchufado e sendo moi vertical”.
Víctor González, adestrador do Sárdoma: “No descanso fixemos uns axustes e no minuto 1 da segunda metade xa metimos o primeiro. Chegamos a poñernos 3-3 facendo un gran fútbol e unha gran segunda parte”.
Tripla asistencia de Elena
Elena, foi a gran protagonista do encontro a pesar da derrota. Do seu guante saíron tres asistencias para os tres goles das viguesas. O primeiro gol, chegaba tras un centro da galega que rematou Irene. O segundo foi moi similar, pero neste caso foi Joana que remataba. Dez minutos despois Joana facía o seu dobrete, de novo a pase de Elena.
Víctor González, adestrador do Sárdoma: “Gustaríame destacar o gran traballo de todo o equipo pero sobre todo a figura de Elena que estivo moi acertada con tres asistencias”.
Con 3-3 no marcador e a falta de 10 minutos para o pitido final o Sporting B anotaba o cuarto e derradeiro gol que levaba os tres puntos cara terras astures. “Nunha falta encaixamos o 3-4 e o equipo viuse un pouco abaixo. O equipo notou os esforzos e o baixón físico nos minutos finais”, lamentaba Víctor o gol das astures que deixou as galegas sen premio.
Víctor González, adestrador do Sárdoma: “O equipo notou os esforzos e o baixón físico nos minutos finais. Nos queda un mal sabor de boca porque estivemos a piques de conseguir unha bonita remontada”.
