Domingo de derbis galegos no Grupo I da Primeira División Nacional. O Valladares recibe no Campo da Gándara ao Victoria FC ás 12:30. No mesmo horario, o Umia visita ao líder Viajes Interrías no Novo San Pedro Villalonga. Mañá de moito fútbol galego, derbis e máxima emoción na zona alta e baixa da táboa.
Máxima igualdade entre Valladares e Victoria FC
O Valladares recibe ao Victoria FC este domingo (12.30 horas) no que será o segundo partido consecutivo das santiaguesas a domicilio. As viguesas, un dos conxuntos máis en forma da 1.ª Nacional Femenina, reciben a o equipo compostelán, cuarto na táboa con 29 puntos.
As de Chivi buscarán amarrar a súa posición e tamén intentar poñer terra de por medio cun dos rivais que loitan por ascender na táboa tras sumar nas sete últimas xornadas cinco triunfos, un empate e unha derrota fronte ó potente Dépor B.
O técnico santiagués Chivi García contará de novo coas baixas de Carmen, Choren, Albita e Carlita, polo que Lucía repetirá como porteira rojilla ós seus 15 anos recén cumpridos. “Tivo moi bo debut. A pesar dos nervios normais nunha estrea coa súa idade e nun campo moi difícil, soubo tomar sempre as decisións acertadas. Estamos moi contentos co seu traballo”, valora o seu adestrador.
Chivi García, adestrador do Victoria FC: “Lucía tivo moi bo debut. A pesar dos nervios normais nunha estrea coa súa idade e nun campo moi difícil, soubo tomar sempre as decisións acertadas. Estamos moi contentos co seu traballo”.
O conxunto vigués, de acadar unha vitoria, sumaría 28 puntos e finalizaría a tan só un punto das compostelás. O adestrador do Valladares, Gabi Couñago eloxiou ao seu rival do domingo: “O vitoria é un dos mellores equipos da liga. É un rival cunha idea moi clara. Teñen un gran adestrador e fan as cousas moi ben. Na ida gañamos 0-1 pero en casa non fomos capaces de gañarlles nos últimos anos. Temos a ilusión de meternos nos postos de arriba e isto pasa por gañar este tipo de partidos”.
Gabi Couñago, adestrador do Valladares: “O Victoria é un dos mellores equipos da liga. É un rival cunha idea moi clara. Teñen un gran adestrador e fan as cousas moi ben”.
Tamén é consciente Chivi da necesidade das súas xogadoras de seguir a sumar. “O equipo nos está no seu mellor momento de confianza. A derrota ante o Sporting de Gijón B (1-2) hai dúas xornadas e a vitoria no tempo de desconto fronte ó Racing Fémeninas B (0-1) o pasado domingo non nos deixa moi contentos, pero sí é verdade que no partido en Santander houbo un cambio de actitude e personalidade na segunda metade. Ogallá o equipo continúe nesa dinámica”, considera o técnico.
Chivi García, adestrador do Victoria FC: “O equipo nos está no seu mellor momento de confianza pero sí é verdade que no partido en Santander houbo un cambio de actitude e personalidade na segunda metade. Ogallá o equipo continúe nesa dinámica”.
Con apenas 4 puntos (29 por 25) e dous postos de diferenza (4.º e 6.º) entre ámbolos dous na táboa, entende Chivi García que o triunfo fronte ó Valladares “alexaría ainda máis a un rival directo”. “Do contrario volveriamos a contraer a clasificación entorno á cuarta posición”, engade.
Pola contra, as de Couñago, chegan coa moral polas nubes tras a vitoria en Mareo ante un gran rival: “Vimos de gañar fóra nun partido complicado e iso sempre che reforza para o seguinte partido. Ao final esperamos un partido moi igualado e bonito. Somos dous rivais que nos coñecemos moi ben pero será un partido disputado”.
Gabi Couñago, adestrador do Valladares: “Vimos de gañar fóra nun partido complicado e iso sempre che reforza para o seguinte partido. Ao final esperamos un partido moi igualado e bonito”.
Ambos equipos co partido de ida na cabeza
Suliña o santiagués que o cadro vigués “é un equipo moi bo que sabe ó que xoga”. “Son moi intensas, defenden moi ben e xogan moi directo. É un equipo ó que nos custa moito gañar e máis no seu campo, de reducidas dimensións. Xa na primeira volta nos gañaron cun gol a balón parado. Intentaremos recuperar eses tres puntos que se nos escaparon na casa”, insiste.
Chivi García, adestrador do Victoria FC: “É un equipo moi bo que sabe ó que xoga. Son moi intensas, defenden moi ben e xogan moi directo. É un equipo ó que nos custa moito gañar e máis no seu campo, de reducidas dimensións”.
Para o Victoria FC a clave será “a intensidade”. “Temos que igualar como mínimo a súa intensidade porque co balón somos mellores e logo estar moi atentas ás vixiancias defensivas. En calquera pérdida de balón sacan petróleo. Teñen xogadoras moi boas”, reitera o adestrador compostelán.
O Valladares afronta o partido coas boas novas xa que recuperan xente que estaban atrevesando por diferentes lesións. A única dúbida é a de Nerea que empezou a adestrar despois das súas molestias do xemelgo pero chegará moi xusta ao partido.
Dous derbis consecutivos para o Viajes Interrías
O líder Viajes Interrías recibe ao Umia que chega moi reforzado tras a súa vitoria contra o Oceja da pasada xornada por 3-0. As de Luis Treviño, tentarán voltar a senda da vitoria tras conceder un empate no derbi contra o Atlético Arousana.
De este xeito, o líder afronta o seu segundo derbi consecutivo e buscará unha vitoria para recuperar sensacións e evitar que tanto o CD Monte como o Dépor B asalten o liderato. O Umia, adestrado por Tino Buján, saltará ao Novo San Pedro (Villalonga) coa mirada posta en seguir na senda dos bos resultados e poñer terra de por medio co descenso, que actualmente marca o CD Oceja.
“Enfrontámonos a un equipo necesitado, que loita por saír dos postos complicados, iso dálles un plus de competitividade” falaba o técnico das locais, Luis Treviño sobre o Umia.
Luis Treviño, adestrador do Viajes Interrías: “Enfrontámonos a un equipo necesitado, que loita por saír dos postos complicados, iso dálles un plus de competitividade”.
O adestrador do Umia, Tino Buján, tamén tivo eloxios para as líders: “Pois é un equipo con moitas virtudes, para min o mellor da liga, vai primeiro por méritos propios. Teñen moita calidade e capacidade para ter o balón e non perdelo en inicio, cunha gran saída de balón e moita calidade arriba”.
Tino Buján, adestrador do Umia: “É un equipo con moitas virtudes, para min o mellor da liga, vai primeiro por méritos propios. Teñen moita calidade e capacidade para ter o balón”.
Treviño espera un gran partido o vindeiro domingo no derbi galego: “Preparamos o partido con moita humildade e seguindo na nosa liña. Tentar dominar o xogo. Sempre que xogamos contra o Umia son partidos moi bonitos e moi vistosos, seguro que a xente que vai vir ao campo vai gozar”.
Luis Treviño, adestrador do Viajes Interrías: Sempre que xogamos contra o Umia son partidos moi bonitos e moi vistosos, seguro que a xente que vai vir ao campo vai gozar”.
As de Villalonga chegan ao derbi con varias dudas no horizonte xa que contan con varias xogadoras atravesando procesos gripais e a ausencia confirmada de Filipa por acumulación de tarxetas.
Pola contra, Tino Buján quere seguir coa boa dinamica e poñer en apuros ao lider xa que “no último partido contra o Arousana, non estiveron ben porque lles custou filtrar entre liñas debido a que elas estiveron moi xuntas e replegadas. Nós tentaremos non cometer erros en saída de balón para evitar encaixar goles”.
“Con balón tentaremos atacar os espazos que deixan cando se despregan en ataque sobre todo nas bandas
Tentaremos ser moi verticais cando teñamos o balón e non repetir moitos pases na mesma zona buscando cambios de orientación sempre que podamos. É importante non deixarlles espazos entre liñas e tentaremos non sufrir ás costas”, falaba Buján sobre como vai a afrontar o partido o seu equipo.
Tino Buján, adestrador do Umia: “Tentaremos ser moi verticais cando teñamos o balón e non repetir moitos pases na mesma zona buscando cambios de orientación sempre que podamos”.
