O Valladares quere sumar o quinto partido seguido sen coñecer a derrota. Para iso, recibe no campo da Gándara ao Oceja o vindeiro domingo ás 12:30. As pupilas de Gabi Couñago, de acadar unha vitoria e se os resultados acompañan, poderían acabar a xornada na terceira posición da Primeira División Nacional.
“Para nós é partido importante porque vimos de conseguir bos resultados e querémonos meter na loita polos primeiros postos. Se gañamos e os resultados acompañan, poderíamos acabar a xornada de terceiras, que é un posto que está moi por encima de todas as expectativas que tiñamos”, destaca o técnico durante a previa.
Gabi Couñago, adestrador do Valladares: “Para nós é partido importante porque vimos de conseguir bos resultados e querémonos meter na loita polos primeiros postos”.
Con respecto ao seu rival do domingo, o mister do Valladares destacou as fortalezas e virtudes das cántabras: “O Oceja está a loitar por non descender pero vendo os resultados das últimas semanas é un equipo que vén crecendo. Persoalmente, gústame moito como compiten e seguramente polo feito de que estean pelexando polo descenso sexan máis perigosas”.
Gabi Couñago, adestrador do Valladares: “O Oceja está a loitar por non descender pero vendo os resultados das últimas semanas é un equipo que vén crecendo”.
O galego tamén destacou a posibilidade de que o duelo sexa un partido trampa ante o 11º clasificado da Liga: “Pode ser un partido trampa porque nós vimos en boa dinámica e ao final ves que o rival está abaixo e pódeste relaxar. É importante que estemos metidas no partido durante os 90 minutos. O Oceja é un equipo que ten xogadoras perigosas que van moi ben ao espazo e que che poden complicar o partido en calquera momento”.
Gabi Couñago, adestrador do Valladares: “Pode ser un partido trampa porque nós vimos en boa dinámica e ao final ves que o rival está abaixo e pódeste relaxar. É importante que estemos metidas no partido durante os 90 minutos”.
Gabi Couñago, adestrador do Valladares: “O Oceja é un equipo que ten xogadoras perigosas que van moi ben ao espazo e que che poden complicar o partido en calquera momento”.
O cadro vigués chega coa única dúbida de Meri que mancouse coa selección galega no Campionato de España.
