O Celta Femxa Zorka acadou a quinta vitoria da tempada nun partidoque as enfrontaba ao Sernova Renovables Real Canoe, e que se lle puxo de cara no terceiro cuarto. As viguesas demostraron a súa solvencia nun econcontro que se mostrou igualado na primeira metade, pero un parcial 0-11 levou ás galegas ao triunfo.
Ver esta publicación en Instagram
Tal e como recolle a crónica de Nano Ameneiro na páxina web oficial do clube, o Celta Femxa Zorka “logrou un valioso triunfo, que comezou nun primer cuarto cun ritmo anotador moi alto en ambos equipos. A iniciativa no marcador correspondeulle ao Canoe prácticamente dende o comezo, co soporte anotador de Ane Esnal a ritmo de tres puntos (a base vasca acadou tres triples no primer parcial). A entrada de xogadoras de banquillo nas dúas escuadras ralentizou o ritmo anotador da fase final do cuarto, que rematou cunha leve vantaxe madrileña por 22 a 20 co Celta sucumbindo ao acerto anotador do conxunto madrileño”.
Explica Ameneiro na súa crónica que a decoración do encontro “variou de maneira notable no segundo cuarto. As perdas foron producíndose nun e noutro bando, con erros groseiros tamén nos lanzamentos baixo o aro, pero a sensación na pista era que o Celta Femxa Zorka comezaba a amosar as súas credenciais. A dificultade para anotar sentiuna primeiro José Luis Vicente, técnico local, que pediu unha pausa ante os primeiros avisos que o seu equipo mostraba (26-27 a 6:30). As perdas sucedéronse e as canastras chegaban a conta gotas, pero no escaso intercambio o Celta soubo beneficiarse, rematando o cuarto cunha lixeira vantaxe (33-37) grazas ao acerto coral do conxunto vigués”.
A ruptura do partido tivo lugar en dous actos. No primeiro empuxe, na reanudación despois do intervalo, o Celta Femxa Zorka xerou a primeira fenda ostensible no partido. Un parcial de 0-7 levaba á primeira pausa (33-44 a 8:00) e ao primeiro golpe. A terceira falta de Boquete guiouna ao banco por precaución. O Celta saíra moi serio e procuraba decantar o encontro pola vía rápida. O Canoe respondeu de inmediato cun parcial de 4-0 que alimentaba as esperanzas das locais. Pero o segundo acto da ruptura foi de maior envergadura. O segundo golpe das celestes, que mantiveron a calma de maneira maxistral, foi case definitivo. A versatilidade das accións elevou o parcial ata o 0-11 (37-55), o que rompía o encontro no terceiro cuarto, sobre todo pola sensación de superioridade que as celestes amosaban na pista e no final do terceiro cuarto (41-59).
Recolle a crónica da web oficial das celestes que as madrileñas “non se deron por vencidas e seguiron presionando. Pasaron a unha defensa zonal, buscando crear problemas nas filas celestes, e conseguiron achegarse no marcador, mentres Jesica Kelliher seguía sumando para o seu equipo. Rematou con 23 puntos como máxima anotadora do encontro. As locais achegáronse a trece, momento no que Cristina Cantero mandou deter o partido para evitar riscos (56-69 a 4:59)”.
Ver esta publicación en Instagram
Cantero reservou xogadoras do Celta Femxa Zorka para Navarra
A pausa preventiva deu resultado e as celestes non amosaron dúbidas en ataque despois do tempo morto. Os minutos fóronse esgotando e o técnico local acabou por tirar a toalla nos tres últimos minutos. O Cantero permitiuse mesmo reservar certas xogadoras para o partido do martes en Navarra.
O encontro culminou con vitoria viguesa por 63 a 83, un marcador que reflicte a folgura coa que o conxunto vigués se manexou durante o partido.
A xira continúa para o Celta Femxa Zorka, xa que non volve a Vigo, senón que segue en ruta para visitar ao Oses Construcción. O encontro adiántase á xornada das ventás FIBA da oitava xornada e disputarase en Navarra o martes 4 de novembro, ás 20:45. Deposis, e xa na xornada ordinaria do sábado, recibirá ao Nou Bàsquet Castelló no horario habitual como local, ás 19:00 horas.
Ver esta publicación en Instagram
FICHA TÉCNICA
63) SERNOVA RENOVABLES REAL CANOE: Ane Esnal (12), Cristina Mato (0), María Torres (12), Clitan De Sousa (16), Clara Rodríguez (9) -cinco inicial- Carla Flores (3), Noa Cañizares (0), Ornella Santana (2), María del Mar Nagore (0), Paola de Mier (6), Lucía Fleta (3)
83) CELTA FEMXA ZORKA: Carlota Menéndez (12), Uxía Rodríguez (4), Andrea Boquete (10), Jessica Kelliher (23), Diana Cabrera (7) -cinco inicial- Martina Vizmanos (8), Deva Bermejo (4), Sara Vidal (5), Naiara Martínez (0), Jiselle Thomas (2), Paula Salinas (8).
PARCIAIS: (22-20) (11-17) (8-22) e (22-24)
EQUIPO ARBITRAL:. Jaime Enrique Álvarez-Ossorio y Jorge Luis Ibarra Mendoza. Señalaron 14 faltas a Sernova Renovables Real Canoe e 17 faltas a Celta Femxa Zorka.
INCIDENCIAS: sexta xornada da Liga Femenina Challenge da tempada 2025-26 disputada no pavillón Pez Volador de Madrid
