A xogadora do Atlético Guardés, Sarah Valero, vén de ser nomeada ‘Guerrera Iberdrola’ da xornada pola afección da Liga Guerreras Iberdrola.
A competición da Real Federación Española de Balonmano abre cada semana unha votación na súa web para que o público decida quen foi a xogadora máis destacada dos partidos disputados. Nesta sexta xornada da segunda fase, onde o Guardés compite no grupo polo título, a premiada foi Valero.
A pivote francoespañola antou nove tantos no duelo ante o Rocasa Gran Canaria, que foron imprescindibles para a vitoria galega (27-26). Con este resultado, o equipo do Baixo Miño sumou dous puntos vitais para acadar o subcampionato.
No seguinte partido do Atlético Guardés, programado para este sábado, 15 de maio, ante o KH-7 Granollers, Valero recibirá o galardón.
Antecedentes nas Guerreras Iberdrola
Este recoñecemento é o primeiro deste tipo que recibe unha xogadora do Guardés neste curso. Porén, non é a primeira xogadora dun club galego de balonmán en obter o premio. Soraia Lopes, do Conservas Orbe Rubensa Porriño o fixo xa na undécima xornada da primeira fase.
