O skate ou skateboaring procede de California. Trátase dunha modalidade deportiva que consiste en deslizarse sobre un monopatín realizando diferentes trucos como poden ser a elevación da táboa ao chan, facendo figuras ou piruetas con ela no aire. A verdade que o espazo é moi pequeno. Trátase dunha peza de madeira con eixos, rodamentos e rodas. Mide entre 19 e 21 centímetros de ancho. Sobre ela pon os seus pés a galega Valentina Planes.
Recentemente, esta xoven promesa do mundo do skate ven de gañar o pasado fin de semana (25 de xaneiro) a Heroína Park Contest. A competición realizouse nunha nave de Madrid e contou principalmente coa colaboración da marca Heroína, que é exclusivamente de mulleres. A galega subiu ao primer posto do podio xunto á tamén galega Julia Benedetti que quedou na terceira posición. “Foi una sensación moi boa. Recibín un premio de 2.000 euros e nese momento sentinme xenial”, comentou Valentina para As Nosas.
Mais a sensación de subirse ao máis alto podio non é nova para esta deportista coruñesa. Fai pouco, quedou no primeiro lugar en Street Feminino e segunda en Street Sub 12. A nivel galego, é a primeira rapaza na clasificación acadando a puntuación de 100 puntos na proba Viejo Lobo e de Northside e 90 na de WS e de La Madriguera, facendo un total de 380 puntos.
En canto ao ránking estatal Valentina Planes é actualmente segunda clasificada a tan só 600 puntos de Benedetti, a primeira. Xunto a ela son as únicas galegas que acoden ao campionatos de España. Nas competicións realizadas polo Federación Española tivo o seguinte palmarés:
- En Mar Bella, na cidade de Barcelona acadou a cuarta posición.
- En Cullera, en Valencia, foi terceira.
- E, por último, en Olebeaga, Bilbao, foi segunda.
Valentina é unha experta no backside 360º
Ten 12 anos e con a penas 7 comezou neste mundo. “No mes de marzo, fará cinco anos que levo practicando este deporte”, díxonos Valentina. “Vivía moi preto dunha pista cerca de Os Rosais, na Coruña, e un día acerqueime alí coa bicicleta. Vía como a xente o practicaba, tamén unha amiga miña. Encántame”. Aínda que sempre estivo ligada a este mundo, xa que antes de subirse ao patín facía ximnasia rítmica.
Non compite soa. Pertence ao club Northside, que é o seu patrocinador xunto a marca de roupa Vazva e Sport 2002. Realiza as dúas modalidades presentes no skate: a rampa e o street. Este deporte naceu nas rúas de maneira que o street recrea só elementos que existen nun cono urbano como “varandas, caixóns e outros elementos”. Alí os atletas deben realizar a súa mellor performance. No park, os skaters deben mostrar os seus mellores trucos nas rampas “en forma de U ou nas piscinas”.
O Marisquiño, a cita galega
O lugar de referencia en Galicia onde practica estas dúas especialidades é no Marisquiño. É un evento deportivo e cultural urbano que se realizada en Vigo cada mes de agosto e convertiuse nun dos festivais de este tipo de deporte de referencia do sur de Europa. Valentina leva tres anos asistindo. “Nos dous primeiros anos soamente fun a participar e non conseguín ningún premio. Pero, o ano pasado, quedei segunda en rampa e, en street, quedei sexta“, apunta a deportista coruñesa.
Valentina Planes (Skater): “Nos dous primeiros anos soamente fun a participar e non conseguín ningún premio. Pero, o ano pasado, quedei segunda en rampa e, en street, quedei sexta“.
Como mencionábamos antes, o skate consiste en facer unha serie de trucos sobre a peza. A Valentina sáelle moi ben o backside en 360º. Trátase de xirar ti máis a tabla totalmente, é dicir, un xiro de 360º. A ela parécelle pouco xa que quere intentar facer o frontside finger flip. A nivel é máis completo posto que tes que saltar coa táboa deixándoa para que faga unha volta e volverte a poñer sobre ela caendo no chan.
O skate será por primeira vez modalidade olímpica en Toquio 2020
Esta modalidade deportiva debutará por primeira vez nuns Xogos Olímpicos este verán. Según afirmou o Comité Olímpico Internacional será unha das disciplinas (son cinco deportes os que amplían a lista de Xapón) marcará o principios de uns xogos que apostan por máis e máis deporte. Aínda que non sexa definitiva a súa permanencia aprobaron a súa plaza tamén para os próximos en París 2024.
A clasificación para disputar a plaza será a combinación de eventos nacionais e internacionais que servirán para crear o ránking mundial cuxo período comprende as probas desde o 1 de xaneiro de 2019 ata o 15 de xuño de 2020. Na modalidade feminina, o país xa conta coa súa plaza por parte de Julia Benedetti.
“Julia leva máis tempo patinando y colle máis velocidade ca min. Ademais, en skate cada un ten os seus trucos e nós os temos moi diferentes”, comenta a xoven promesa, Valentina Planes sobre a súa compañeira galega.
Como deportista, Valentina aspira a que os seus logros non queden aí. Así que en Galicia seguiremos gozando dunha sá rivalidade e competitividade entre galegas que mandan no skate estatal. Apunten os nomes: Julia Benedetti e Valentina Planes.
