Sorte dispar para os equipos galegos na xornada vespertina. O Valdetires Ferrol o Viaxes Amarelle foron quen de gañar os seus duelos con resultados avultados. As ferrolás impuxéronse por 4-0 ao Rodiles e as herculinas impuxéron o seu dominio e non tiveron piedade do Muslera (12-0). Pola contra, A Fervenza non puido con Lacturale Orvina (3-1) e voltou de Pamplona sen agasallo.
Vitoria do Valdetires nunha pista esvaradía
A pista do pavillón de Esteiro foi a gran protagonista entre o duelo entre Valdetires e Rodiles. O partido estivo condicionado pola condensación da pista e estivo moi esvaradía e moi incómoda para as xogadoras. No descanso, os colexiados deixaron ao criterio de ambos equipos continuar ou suspender o encontro, pero ambos decidiron seguir, afortunadamente sen incidentes.
“O partido transcorreu según o plan previsto e traballado durante á semana. Elas esperaron en media pista e o nós levamos o peso do partido”. Falaba Diego Pardo do que foi o arranque do partido.
Diego Pardo, adestrador do Valdetires: “O partido transcorreu según o plan previsto e traballado durante á semana. Elas esperaron en media pista e o nós levamos o peso do partido”.
A pesar de que as galegas levaron o peso do encontro durante os 40 minutos, “custounos abrir lata pero elas tamén tiveron ocasións. Carmen e Andrea pecharon unha gran actuación con grandes intervecións na portería”, comentaba Parda a gran actuación das súas gardamallas. Carmen, no primer acto e Andrea, no segundo.
Con 1-0 no marcador, chegaríase ao descanso. Ao pouco de iniciar a segunda parte, as galegas anotaron o 2-0 que trouxo máis confianza e tranquilidade ás pupilas de Pardo, xa que o Rodiles baixou un pouco os brazos e foi máis fácil para as ferrolás.
Ao final 4-0, un resultado un tanto avultado para o visto na pista (hoxe esvaría) de Esteiro, pero que deixa os tres puntos en Ferrol e ao Valdetires no posto de bronce da táboa.
Diego Pardo, adestrador do Valdetires: “Custounos bastante conseguir a vitoria para pesar do 4-0. Foi un partido traballado. Creo que realizamos un partido moi completo e sobre todo polo estado da pista”.
O Amarelle dáse un festín á conta do Muslera
As herculinas foron un bulebule no seu feudo. As laranxas non deron opción ao Muslera en ningún momento e impuxéronse por 12-0. As herculinas non acusaron as baixas, e seguen con paso firme na competición, tras impoñerse por un contundente marcadorao seu rival desta tarde, grazas aos goles de Patri Romaní, María Gómez (4), Mónica Rodal (2), Yaiza (3), Patri Corral e Inés Suárez.
O encontro daba inicio co balón nos pés das visitantes, pero as herculinas quixeron impoñer un ritmo alto de xogo, e moi pronto se fixeron co balón e o xogo, conseguindo abrir o marcador aos dous minutos de xogo, tras un gol de Patri Romaní tras un potente disparo exterior de 7 metros, que terminaba por coarse entre as pernas da meta visitante. Case sen tempo a poder reaccionar a escuadra visitante, María Gómez en xogada persoal, leva ao seu par, e no un para un coa meta do CDE Muslera GSW pon o 2-0 no marcador.
O conxunto herculino estaba a impoñer un ritmo moi alto de partido, e as cántabras non se atopaban cómodas na cancha; mentres que o conxunto herculino íase crecendo segundo pasaban os minutos. Tras varios intentos errados das locais, Mónica Rodal conseguía poñer o 3-0 no marcador aos seis minutos de xogo. Tras unha xogada persoal na que leva ao seu defensa e cun disparo axustado ao primeiro pau ampla diferenzas para as locais.
O partido estaba moi de fronte para o equipo dirixido por Jorge Basanta, pero en ningún momento baixaban os brazos, a pesar da diferenza e na medianía do período Mónica Rodal repetía gol, ao aproveitar o rexeite, dentro da área, dun primeiro disparo exterior de María Gómez. E dun novo rexeite dentro da área, terminaría por chegar o 5-0, apenas uns segundos máis tarde; aínda que nesta ocasión transformado por María Gómez. E con apenas dez minutos de xogo, e a vantaxe de cinco goles no marcador. O conxunto herculino baixo a liña de presión e esperou a media cancha ao seu rival. Con isto, mantivo a vantaxe no marcador ata chegar ao tempo de asueto.
Na continuación, o Viaxes Amarelle FSF mantiña a súa posición en media cancha, pero xeraba un ataque máis agresivo arriba para tentar ampliar a renda no marcador. E así foi como aos tres minutos de xogo, Yaiza subía ao luminoso o 6-0, despois de finalizar unha xogada ao bordo da área, a pase de Irune Santesteban. E uns segundos máis tarde, chegaba o sétimo para as locais, tras unha xogada do cadro laranxa, que finalizaba María Gómez cun disparo exterior de 7 metros, poñendo tamén o hat trick na súa conta particular.
A vantaxe no marcador era moi ampla para o cadro local, e sobre a cancha só víase a un equipo que dominaba o tempo do partido mentres que as mozas xogadoras cántabras trataban de amainar o temporal que se lles viña encima, con moi pouca fortuna. Aínda que gozaron dalgunha ocasión de poder recortar distancias neste tramo de partido, pero con pouca fortuna na finalización, ou gran acerto defensor da escuadra dirixida por Jorge Basanta.
Pasada a medianía do período, o cadro galego volvía incrementar un punto o ritmo e empezaba a xerar ocasións cada vez máis claras, conseguindo transformar o 8-0 no marcador a falta de sete minutos, tras un bo ataque que finaliza Yaiza. A falta de cinco minutos para o final do encontro, María Gómez cun potente disparo exterior de 8 metros, sorprende á meta visitante e asina un póker de goles na súa conta particular, á vez que pon o 9-0 no marcador. E case sen tempo, Yaiza sumouse á festa e asinaba a súa hat trick particular, ao aproveitar un rexeite ao bordo da área, dun primeiro disparo de María Gómez, que deixaba no luminoso un parcial de 10-0.
As visitantes non conseguían parar o potencial herculino sobre a cancha, e a falta de tres minutos, Patri Corral poñía o 11-0 no marcador; cando cun potente disparo exterior, finalizaba unha boa xogada que iniciaran María Gómez e Patri Romaní, onde está última xogaba o balón atrás para que Patri Corral certificase o undécimo gol da tarde. A pesar da diferenza no marcador, as herculinas non perdían o bo xogo, nin a presión, e a falta de dous minutos para o final, roubaban un balón e nunha rápida saída de María Gómez e Inés Suárez, conseguían poñer o 12-0 definitivo, transformado por esta última. Marcador amplo e merecida vitoria do conxunto galego, que afianza o seu liderado no comezo desta segunda volta na competición de Segunda División Nacional Feminina FS.
Tras este novo encontro da tempada, o Viaxes Amarelle FSF regresará o luns ao traballo, para preparar o seguinte partido da competición nacional, que non se disputará ata dentro de dúas semanas, por xornada de descanso desta próxima fin de semana. Na que será a décimo sexta xornada, chegará un emocionante derbi galego contra o único rival ao que as herculinas non puideron impoñerse na competición regular, que se disputará na fin de semana do 15 ou 16 de febreiro en horario e pavillón aínda por determinar visitando ao Comarcal A Fervenza FSF.
As rosas volven de baleiro desde Pamplona
A Fervenza non puido co Lacturale Orvina, nunha pista sempre complicada. As rosas caeron por 3-1 e tentárono ata o final, pero os erros penalizaron demasiado as galegas a pesar de realizar un bo partido. Con esta derrota ante un rival directo, as pamplonicas igualan a puntos (18 puntos) ás rosas.
Ambos equipos sitúanse na zona temperada da táboa. As de Chipi, aproveitarán o parón da semana que vén para corrrexir erros e cambiar a dinámica para voltar á senda da vitoria.
Nuestro primer equipo ya se encuentra en Estella, donde ha pasado la noche y desde donde saldrán después de comer hacia Pamplona donde a las 19:00 se enfrentan a @cdorvina en el polideportivo Exkaba.@asnosasdeportes @diarioferrol @Mudega_ @UniversoMujer18 #porqueserrosamola pic.twitter.com/zdomd5garO
— Comarcal A Fervenza (@afervenzafsf) February 1, 2020
