As campioas da Copa de SM A Raíña estrean o novo formato o vindeiro 6 de decembro, en dezaseisavos, na pista do Valdetires Ferrol FSF (pavillón de Esteiro, 12.00 horas).
Esta será a segunda vez que se vexan as caras en 2019-20. No anterior enfrontamento, en Copa Galicia en Vista Alegre, o Pescados Rubén Burela FS impúxose con claridade (9-1) no pasado mes de outubro. “Vai ser diferente; xogando na súa casa, diante da súa afección, o partido vai estar máis igualado” advertía Julio Delgado, adestrador das Guerreiras laranxas.
“Aínda que xa temos liga o domingo, imos afrontalo a lume de biqueira porque queremos pasar a eliminatoria e seguir dando pasos nesta Copa. Non podemos deixarnos sorprender. É un mes complicado. Vimos da derrota con Futsi, a próxima semana tamén teremos as convocatorias das nosas internacionais con España e Portugal, Cilene xa está con Brasil. Con todo isto, tratamos de que as xogadoras cheguen nas mellores condicións pensando só na Copa da Raíña e despois, aínda que sexa no bus, tocará recuperalas para o domingo na pista de UA Alicante”. Advertía o técnico laranxa do inicio dunha ponte de moito traballo, coa xornada 13 o domingo na casa do UA Alicante.
Julio Delgado, adestrador do Pescados Rubén Burela
“Aínda que xa temos liga o domingo, imos afrontalo a lume de biqueira porque queremos pasar a eliminatoria e seguir dando pasos nesta Copa.
No inico da recta final da primeira volta, tras o tropezo ante o liderado madrileño: “Pasamos páxina, o formato é agora diferente e as propias esixencias de Copa e Liga, ademais de compromisos internacionais, obrígannos a recuperarnos inmediatamente para estar ao cento por cento. A clave estará na regularidade e por iso traballamos, para volver ter boas sensacións na próxima cita sen deixar de mellorar” concluía o preparador.
Emparellamentos de dezaseisavos:
| C.F.S. FEMENINO SAN FERNANDO – OURENSE C.F. ENVIALIA |
| COLMENAREJO – A.D. SALA ZARAGOZA |
| A.D. TELDEPORTIVO – C.D. FUTSI ATLÉTICO NAVALCARNERO |
| C.D.B. ALMAGRO FÚTBOL SALA – MAJADAHONDA F.S.F AFAR 4 |
| VALDETIRES FERROL F.S.F. – PESCADOS RUBÉN BURELA F.S. |
| O FISGON FUTSAL – POIO PESCAMAR |
| VIAXES AMARELLE – CIDADE DAS BURGAS F.S. |
| LA BOCA TE LÍA FUTSAL ALCANTARILLA 1-6 ROLDÁN FUTSAL FEMENINO |
| F.S.F JOVENTUD D’ELX – XALOC ALACANT F.S. |
| C.D. LA CONCORDIA – BILBO F.S. |
| MECANOVIGA EIXAMPLE F.S. – PENYA ESPLUGUES A.E. |
| U.D. LA CRUZ VILLANOVENSE – F.S.F. MÓSTOLES |
| ATLÉTICO TORCAL – UNIVERSIDAD DE ALICANTE |
| DEPORTIVO CÓRDOBA – A.D. ALCORCÓN F.S. |
| GUADALCACÍN F.S.C.D. – UCAM ELPOZO MURCIA F.S. |
Equipo exento: LEGANÉS FS
