O Valdetires de Ferrol tería xornada de descanso esta fin de semana pero vai a afrontar o domingo o partido adiado o 21 de decembro ante o Promesas por mor do temporal en Galicia. As de Diego Pardo recibirán na Malata ás 12:00 ao conxunto logroñés que buscará facer pleno en Ferrol o sábado contra a Fervenza e o domingo ante o Valdetires.
As verdibrancas queren seguir coa boa dinámica e esperan unha vitoria para afianzar o terceiro posto e meter presión ao Fisgón polo posto de prata da Liga. “Ogallá podamos conseguir os tres puntos para manter a terceira praza que é o noso obxectivo para o final de tempada”, destacaba Diego Pardo durante a previa.
Diego Pardo, adestrador do Valdetires: “Ogallá podamos conseguir os tres puntos para manter a terceira praza que é o noso obxectivo para o final de tempada”.
O técnico galego tamén quixo destacar o posible cansazo que poder sufrir as xogadoras de Logroño que afrontarán dous duelos ante equipos ferroláns nesta fin de semana. Primeiro contra a Fervenza o sábado e un día despois contra o Valdetires, ambos na Malata.
“Espero a un Promesas cansado entre a viaxe e que terá que xogar dous partidos no mesmo fin de semana. Nós temos que impoñer o noso xogo e seguir na liña positiva de estar últimas xornadas”, comentaba Diego Pardo sobre o posible estado físico do seu rival de mañá.
Diego Pardo, adestrador do Valdetires: “Espero a un Promesas cansado entre a viaxe e que terá que xogar dous partidos no mesmo fin de semana. Nós temos que impoñer o noso xogo e seguir na liña positiva de estar últimas xornadas”.
