O Valdetires suma e sigue na división de prata do fútbol sala tras golear 6-1 ao Promesas Logroño. O Ourense B, volve a penalizar a súa falta de gol pero rescata un gran punto (1-1) nunha pista moi complicada como é a do Lacturale Orvina.
Cuarta goleada seguida do Valdetires
O conxunto ferrolán volveu a golear ao seu rival e suma a cuarta vitoria consecutiva. Esta vez foi no seu feudo, no pavillón da Malata, ante o Promesas Logroño. Este partido debeu xogarse o 21 de decembro e foi cancelado por mor do temporal que sufríu a costa galega.
Tras as vitorias por 4-0 ante o Rodiles, 1-8 ante o Castro e 6-1 ante o Fisgón, o conxunto dirixido por Diego Pardo volveu a gañar e golear. As verdibrancas repetiron resultado e impoñéronse por 6-1 ao conxunto logroñés.
O Valdetires empezou con moito ímpetu e pronto púxose por diante. Tras ir gañando 2-0 o Promesas recortou distancidas desde o punto de penalti e un gol de Suki daba a tranquilidade para ir ao descanso con 3-1.
Tras o descanso chegaría a festa na Malata para acabar gañando por 6-1 ante un equipo que quizáis notou en exceso o cansanzo nas pernas tras o partido disputado na tarde de onte no mesmo escenario ante A Fervenza. Ao final, tres puntos máis para as ferrolás que suman 34 puntos e teñen o segundo posto a tan só 4 puntos e cun partido menos.
Buen partido de las nuestras que siguen sumando de tres en tres puntos y nos acercamos poco a poco a nuestro objetivo que es el playoff.
Desear lo mejor en lo que resta de temporada al @EDFL_oficial #vamosverdes pic.twitter.com/MFTXoDLV2Y— valdetiresfsf (@valdetiresfsf) March 1, 2020
Un punto de esforzo
O filial ourensán volveu do polideportivo Ezkaba cun punto moi valioso nunha pista sempre complicada. As ourensás volveron a notar a falta de efectividade que fixo que perdoaran varias ocasións claras de gol. Con 1-0 no marcador chegaríase ao descanso.
As galegas empataron o duelo na segunda metade e incluso puideron poñerse por diante pero o partido non pasaría do 1-1. Carballo tamén destacou a figura da súa gardamallas Inés que salvou un par de ocasións moi claras para o Lacturale Orvila. Ao final un punto valioso moi traballado en Pamplona.
Rubén Carballo, adestrador do Ourense B: “Unha pena non sacar os tres puntos pero estou moi contento polo gran partido das xogadoras. Inés, a nosa porteira estivo moi ben salvando nun par de ocasións”.
Tras o partido, o técnico galego, Rubén Carballo valorou o punto acadado no que “foi un partido moi competido. O esforzo e o traballo foi moi bo. Volvemos sumar que sempre é importante encima nunha pista moi complicada”.
Rubén Carballo, adestrador do Ourense B: “Foi un partido moi competido. O esforzo e o traballo foi moi bo. Volvemos sumar que sempre é importante encima nunha pista moi complicada.
