Ferrol acollerá mañá un auténtico partidazo entre o segundo e o terceiro clasificado na división de prata do fútbol sala. O Fisgón (2º) viaxa ata a cidade departamental para xogar no pavillón de Esteiro ás 18:00 fronte o Valdetires (3º).
Un derbi entre dous equipos en loita polo segundo posto. O Fisgón (38 puntos) ocupa actualmente o posto de prata empatados a puntos co Viaxes Amarelle no máis alto e saca unha boa ventaxa ao Valdetires (28 puntos), 10 puntos, aida que as ferrolás contan con un partido menos no seu casilleiro.
A adestradora do Fisgón, Pili Costa, destacou a dificultade de puntuar na pista do Valdetires. “Sabemos que imos a unha pista moi complicada onde ademais a xente adoita apertar moito. O Valdetires agora mesmo está nunha liña ascendente e entendendo cada vez máis a forma de xogar de Diego Pardo“.
Pili Costa, adestradora de O Fisgón: “Sabemos que imos a unha pista moi complicada onde ademais a xente adoita apertar moito. O Valdetires agora mesmo está nunha liña ascendente”.
O técnico do conxunto ferrolán falou durante a previa sobre o obxectivo marcado polo club ao principio da tempada: “Afrontamos o partido en casa con moita ilusión. Esperamos levar os tres puntos xa que foi un dos dous equipos que nos gañou na primeira volta. Queremos manternos na terceira praza e recortariamos puntos co Fisgón. O noso obxectivo é asegurar a terceira praza canto antes”.
Diego Pardo, adestrador do Valdetires: “Queremos manternos na terceira praza e recortariamos puntos co Fisgón. O noso obxectivo é asegurar a terceira praza canto antes”.
Pili Costa resaltou que “a rivalidade será máxima e a igualdade tamén. Os derbis galegos sempre son partidos diferentes. Para nós ir a Ferrol a tentar sacar os tres puntos será todo un reto. Viaxamos con toda a ilusión posible para poder dar nosa mellor versión. Creo que os pequenos detalles marcarán o partido”.
Pili Costa, adestradora de O Fisgón: “Os derbis galegos sempre son partidos diferentes. Para nós ir a Ferrol a tentar sacar os tres puntos será todo un reto”.
“Queremos seguir mantendo unha boa distancia de puntos con respecto a elas que son as terceiras clasificadas. Quedan aínda 10 xornadas e queda moita Liga por diante. Temos que ter a calma e a tranquilidade que che dá o traballo diario. O noso soño é tentar meternos no playoff pero temos que ir partido a partido”, destacou Costa na previa.
Pili Costa, adestradora de O Fisgón: “Quedan aínda 10 xornadas e queda moita Liga por diante. Temos que ter a calma e a tranquilidade que che dá o traballo diario”.
Diego Pardo, adestrador do Valdetires: “Todo o mundo ten ganas de xogar este tipo de partidos. Levamos toda a semana preparándonos para facer un gran papel ante un gran equipo”.
O conxunto de Marín segue coas mesmas baixas dá semana pasada. Pili Costa non poderá contar nin con Antía nin con Vera. Mentres, Diego Pardo poderá contar co seu plantel ao completo para afrontar o derbi polo posto de prata.
