O Valdetires levouse con claridade (6-1) o derbi galego da xornada na División de prata do fútbol sala. As de Diego Pardo destrozaron ao contraataque ás de Marín e non deron opcións en ningún momento. Con esta victoria en Esteiro, as ferrolás seguen terceiras pero recortan e poñense a 7 puntos das de Pili Costa. Ademais, as verdibrancas contan cun partido menos.
O Fisgón Futsal, segundo na liga do Grupo I, plantouse en Ferrol coa intención de poñer terra polo medio co terceiro clasificado, o Valdetires Ferrol. As ferrolás pola súa banda debían poñer toda a carne no asador para conseguir acurtar a diferenza de puntos, afastarse das cuartas clasificadas e poñer en valor a súa candidatura ao playoff de ascenso a primeira.
Diego Pardo, adestrador do Valdetires: “Saímos moi enchufadas desde o primeiro minuto. Son tres puntos moi importantes e ademais temos o golaverage gañado con respecto ao Fisgón”.
O Valdetires entrou moi enchufado ao partido, esperando en media cancha mentres O Fisgón levaba o peso do xogo. Con sendos roubos de esférico e rápidas transición, preto se poñían por diante as da cidade departamental. As de Marín non estiveron cómodas no parqué e non tiveron a súa mellor actuación.
As de Diego Pardo alternaron unha defensa en media cancha con outra máis alta e competindo cada balón con moita intensidade. Froito desta, no minuto 2 marcou Erika o 1-0, tras roubar un balón nun mal pase das xogadoras de Marín. No minuto 7, con O Fisgón sen entrar aínda no partido, o Valdetires volveu sacar proveito dunha mala selección de pase para ver porta, esta vez grazas a Diana, sen que as azuis puidesen facer nada para remedialo.
Pili Costa, adestradora do Fisgón: “O Valdetires fai unhas grandes transicións tras roubo de balón. Sabiamos os seus puntos fortes pero non soubemos frenalos”.
Pili Costa, adestradora do Fisgón: “Non tivemos un bo día. Coñeciamos moi ben ao rival pero non soubemos adaptarnos ao partido nin contrarrestar as súas fortalezas”.
A pesar de coñecer ben as virtudes do rival, O Fisgón non soubo evitar as perigosas transicións ferrolás e no minuto 17, preto do descanso encaixou o 3-0 nunha destas xogadas. Con este resultado Pili Costa apostou por utilizar o xogo de 5 para ter posesión, contrarrestar un pouco o ritmo rival e tentar levar o perigo á meta de Andrea, conseguindo que o marcador non variase de novo nesa primeira parte.
O encontro íase ao tempo de lecer con 3-0. Tres goles tras erro de circulación do Fisgón que non souberon frear as acometidas das ferrolás. “Non pode ser que nos fagan dano ao contraataque e vaiamos ao descanso cunha soa falta no marcador”, foron as verbas de Pili Costa tras o mal día do seu equipo.
A segunda parte seguiu na mesma liña. As de Marín tentaron variar dinámicas, apostando polo xogo de 5, alternándoo cunha defensa alta xa desde o minuto 1, buscando roubar preto de portería, pero sen éxito. Valdetires volveu acertar para porta en 3 ocasións máis, e Mar conseguiu marcar o gol da honra das pontevedresas no minuto 27. O resultado final 6-1, xusto e merecido para as ferrolás, mantenas na terceira praza, pero a 7 puntos e cun partido menos que O Fisgón, que ten 38, a 3 do líder, Viaxes Amarelle.
Diego Pardo, adestrador do Valdetires: “Voume moi contento pola vitoria e desexando que cheguen máis partidos como este para demostrar o potencial que temos como equipo”.
A segunda parte seguíu coa mesma tónica. Costa probou con xogo de cinco pero tampouco deu grandes resultados. Ao final dos 40 minutos, 6-1 e os tres puntos quedaron en Ferrol. Gran vitoria que reforza ao Valdetires que está a 7 do Fisgón e o golaverage gañado. As de Marín, coa derrota perden o coliderato pero manteñen unha boa distancia co Valdetires e confian en que esta derrota sea tan só un pequeno traspés no camino e na gran tempada que están a facer.
Pili Costa, adestradora do Fisgón: “Hoxe ao Valdetires saíulle todo, tiveron todo o acerto que nos faltou a nós. Agora quedan 8 partidos que temos que competir. Isto é un tropezo pero non queda outra que levantarse e seguir traballando”.
Próximo encontro de O Fisgón
O próximo encontro de O Fisgón Futsal, será na súa cancha, en O Sequelo (Marín) contra un duro rival como é o UDC Txantrea (Pamplona) que se atopa na cuarta posición da táboa a 11 puntos das galegas.
FICHA TÉCNICA
O FISGÓN: Cinco inicial: Ana, Lucía, Paula, León y Café. También jugaron: Karen, Mar, Jessy, Charo, María, Marta Gago y Marina. Entrenadora: Pili Costa.
VALDETIRES: Cinco inicial: Andrea, Lidia, Diana, Erika y Paula. También jugaron: Sara, Sheila, Sara Crespo, Ainhoa, Sandra y María del Carmen. Entrenadora: Diego Pardo.
GOLES:
1-0 Erika, 2′
2-0 Diana 7′
3-0 Paula 17′
4-0 Sara Crespo 22′
4-1 Mar 27′
5-1 Paula 34′
6-1 Paula 38′
COLEXIADOS: Pablo Coello Martínez, Borja Moreira Bermúdez e Santiago Pena Loureiro.
