O Valdetires acadou unha gran vitoria na casa e impúxose con gran autoridade a un Ribamontán que non estivo cómodo na pista durante case ningún minuto. As de Diego Pardo comezaron presionando a media pista e foron subindo a defensa pouco a pouco.
Froito desa presión, as galegas roubaron moitos balóns e estiveron moi acertadas de cara á porta. Co 3-0 no marcador o partido xa mostraba que ía ter cor verdibranco. Aínda así, as galegas non perderon a intensidade en ningún momento e mantiveron o control do partido.
O único gol visitante chegaría tras un erro da última xogadora pero foi un espellismo e o Valdetires non se viu resentido. Seguiu facendo o seu xogo e marcharon no descanso cara o túnel de vestiarios con 5-1 no marcador. O adestrador galego, Diego Pardo, analizaba o partido: “Creo que fumos moi superiores e non concedimos opcións ás rivais. Agora toca pensar no próximo partido que seguro que será máis complicado”.
Diego Pardo, adestrador do Valdetires: “Creo que fumos moi superiores e non concedimos opcións ás rivais. Agora toca pensar no próximo partido que seguro que será máis complicado”.
Tras o tempo de lecer, as galegas non baixaron a intesidade e non deixaron que as de Santander se meteran no encontro. Seguindo a mesa filosofía de xogo foron caendo os goles do lado ferrolán e as visitantes baixaron os brazos. O 13-1 final foi unha proba da superioridade galega durante todo o encontro. Un festín de goles para coller moral e afrontar a dura xornada que vén na casa do Txantrea.
VALDETIRES: Carmen, Lida, Paula, Suki e Sheyla. Para cambios Erika, Ainhoa, Diana, Andrea (PT) e Sara (PT).
