O Valdetires Ferrol FSF foi quen de acadar o que ningún outro equipo conseguira neste curso na liga regular: doblegar ao equipo herculino do Viaxes Amarelle FSF. As de Ferrolterra amargaron o final de liga ás herculinas impoñéndose no duelo de rivalidade provincial entre galegas por 3-2.
As coruñesas, dirixidas polo técnico Jorge Basanta, chegaba á última xornada de liga cos deberes feitos, pero coa intención de sumar unha nova vitoria no duelo entre campioas de liga destas dúas últimas tempadas no grupo 1 da Segunda RFEF Futsal Feminina. As departamentais empezaron adiantándose no marcador, aínda que as herculinas conseguiron dar a volta ao marcador, pero a igualada volveu ao marcador; e unha falta perigosa ao bordo da área, a falta de dous minutos, terminou por provocar a primeira derrota do Viaxes Amarelle FSF por un marcador de 3-2.
O partido empezaba cun Viaxes Amarelle FSF tendo a posesión do balón e buscando a portería local, mentres que as locais buscaban sorprender con contras rápidas; e o primeiro gol chegaría aos dous minutos, cando un saque rápido de banda, deixa a Diana no un para un con Sandra, onde a porteira herculina para en primeira instancia, pero no rexeite Diana non perdoa e sobe o 1-0 ao marcador.
Pouco antes da medianía do primeiro tempo, Irune Santesteban finalizaba un centro desde dentro da área e poñía a igualada de novo no marcador. Aínda quedaba partido por diante, e nunha rápida transición ofensiva das herculinas, Candela Soria finalizaba un ataque ao bordo da área e poñía por diante ao Viaxes Amarelle FSF.
Aínda quedaba partido por diante, e as locais buscaban sorprender á contra, e Susy cun disparo exterior de 10 metros sorprendía a Sandra, que en primeira instancia rexeitaba o balón, pero este quedaba morto na área e coábase ao fondo da portería herculina cando quedaban dous minutos para o descanso.
Logo do paso por vestiarios, o Viaxes Amarelle FSF saíu ao partido con moita posesión de balón, e buscando facer dano á escuadra departamental, pero faltáballe finalización para poder poñerse de novo por diante. As locais cada vez estaban máis cansas e custáballe máis articular as contras; mentres que o Viaxes Amarelle FSF non paraba de ter o balón e buscar portería contraria, pero o gol non daba chegado.
Carol asina o tanto do triunfo do Valdetires Ferrol FSF
A falta de algo menos de dous minutos para a conclusión, unha falta a seis metros da portería herculina, provoca un disparo directo de Carol, que se vai ao fondo da rede e sobe o 3-2 no marcador. O Viaxes Amarelle FSF opta polo xogo de cinco no último minuto e medio de partido, e provoca varias ocasións de perigo, pero o gol resístese; e o equipo laranxa termina por ceder a primeira derrota da tempada.
Sabor agridoce para a conclusión da tempada, pois se termina cunha axustada derrota no marcador; pero o club asina uns números de espectaculares que lle valeron para ser campioas de liga a falta de tres xornadas; e terminar a competición regular como o equipo máis goleador da Segunda RFEF Futsal Feminina e o equipo menos batido do grupo.
Toca desconectar, e poñerse a preparar o play-off de ascenso, que terá lugar o vindeiro sábado; e pelexar por regresar á elite do futsal feminino, nun partido que se prevé duro, contra un rival que disputa a súa cuarta fase de ascenso consecutiva.
Tras este último partido oficial da competición da regularidade, o equipo regresará o luns aos adestramentos, para preparar a primeira eliminatoria do play-off de ascenso á Primeira RFEF Futsal Feminina.
O encontro correspondente á eliminatoria do play-off de ascenso a Primeira RFEF Futsal Feminina, terá lugar o sábado 4 de xuño de 2022 no Pavillón Municipal de Sacra Familia (A Coruña) ás 18:00 horas, recibindo ao La Boca Te Lía Futsal Alcantarilla.
FICHA TÉCNICA
3) VALDETIRES FERROL FSF: Andrea, Carol, Susy, Lucía e Sheila – quinteto inicial -. Tamén xogaron: Diana, Fabi e Carolina.
2) VIAXES AMARELLE FSF: Sandra Rodríguez, Lau Doce, Patri Romaní, Yaiza e María Gómez – quinteto inicial -. Tamén xogaron: Cris Lourés, Carlita, Èlia Gullí, Candela Soria, Irune Santesteban, Carol Agulla e Daryna Tkachenko.
GOLES: 1-0 Diana (min. 2); 1-1 Irune Santesteban (min. 7); 1-2 Candela Soria (min. 16); 2-2 Susy (min. 18); 3-2 Carol (min. 38).
EQUIPO ARBITRAL: Pablo Coello Martínez e Iria de Luis Iglesias do Comité Técnico de Árbitros da Mariña. Estivo na mesa Andrea de Luis Iglesias tamén do Comité Técnico de Árbitros da Mariña. Amonestouse a Susy do Valdetires Ferrol FSF con cartón amarelo, así como a Èlia Gullí nas filas do Viaxes Amarelle FSF.
INCIDENCIAS: Partido correspondiente á viséximo sexta xornada do Grupo 1 da Segunda División do Fútbol Sala Femenino da RFEF disputado no Pavillón Municipal de Deportes da Malata en Ferrol.
