O derbi galego da xornada na división de prata do fútbol sala foi un auténtico partidazo. O Valdetires levouse o duelo ante o Castro por 1-8 no Municipal de Castro. A pesar do avultado do marcador, o partido foise ao tempo de lecer con empate (1-1) e decantouse do lado ferrolán a partir do terceiro tando das verdibrancas.
“O partido durou ata mediados da segunda parte. O terceiro gol fíxonos moito dano e xa non soubemos reaccionar”, foron as verbas de Martínez, adestrador do Castro tras o final do encontro. O técnico galego subliñou que “voume orgulloso da primeira parte xa que puidemos xogarlle de ti a ti a un dos grandes de esta Liga. Un rival moi superior a nós”.
Martínez, adestrador do Castro: “O terceiro gol fíxonos moito dano e xa non soubemos reaccionar. Voume orgulloso da primeira parte xa que puidemos xogarlle de ti a ti a un dos grandes de esta Liga”.
Na primeira metade, o partido estivo marcado pola igualdade entre ambos conxuntos e con 1-1 chegaríase ao descanso. Tras a reanuadación, o Castro incluso gozou de algunha ocasión e púdose poñer por diante pero logo chegaría o festival do Valdetires que non daría opción ás de Castro de Rei.
Martínez, adestrador do Castro: “Vimos arrastrando baixas e iso nótase, a pesar diso creo que fixemos unha gran primeira parte. Quero felicitar ao rival e desexarlle moita sorte para o que resta de tempada”.
Ao final do encontro, 8-1 para o Valdetires que volve para Ferrol na terceira posición da táboa con 28 puntos. O Castro, a pesar da derrota, está a completar unha gran tempada e é o quinto clasificado con 22 puntos.
Victoria muy trabajada de las nuestra por 1-8 contra el FSF Castro. Un resultado que no muestra la dureza del partido y de un rival al que le deseamos lo mejor en lo que queda de competición @ACFSFfutsal #vamosverdes
— valdetiresfsf (@valdetiresfsf) February 15, 2020
