As valoracións para o duelo galego desta fin de semana —o sábado 15 de febreiro, ás 18.30 horas— entre o A.D. Carballal e o CdeC Lavadores non quedaron só na man de Inés López, a defensa do conxunto que xoga como local. Uxía Ferreiro, que xogou durante seis anos no Carballal quixo tamén deixar as súas percepcións sobre a cita galega e lembrar os seus recordos de aquel tempo.
– As Nosas: Gardameta do Lavadores na actualidade e ex xogadora do equipo ao que vos enfrontades o sábado. Que recordos mantés da túa etapa en Carballal?
Uxía Ferreiro: O Carballal aportoume moitísimo nos seis anos que estiven alí. Teño moitos recordos que non vou a esquecer. Como en calquera etapa tiven momentos malos e outros que non o foron tanto pero todos convertíronme na xogadora que son e fíxeronme crecer como persoa. Sempre será o meu club e as cores non se olvidan aínda que agora elixira defender outros coas mesma gañas e ilusión.
– As Nosas: Xogades fóra da casa. Que cres que vas a sentir cando volvas a pisar ese pavillón?
Uxía Ferreiro: Supoñe que será un pouco estrano ter que volver a xogar na que foi e será a miña casa pero esta vez sen vestir a equipación do Carballal. Alí loitei moito e intentarei facer o mesmo este fin de semana para que aínda que non sexa co mesmo equipo a xente siga recordándome tal e como son.
Uxía Ferreiro (Lavadores): Vai a ser estrano volver a xogar sobre esa pintura sen vestir a equipación do Carballal. Intentarei que a xente siga recordándome tal e como son.
– As Nosas: O Carballal é sexta na clasificación xeral de División de Honra Prata. Como estás vendo a tempada delas?
Uxía Ferreiro: Teñen moi boas xogadoras e poden optar por estar aínda máis enriba na clasificación da División de Honra Prata. O ano pasado quedámonos nun quinto posto sabendo que podíamos aspirar a máis. Así que sin ningunha dúbida ese equipo vai a seguir loitando ata o final.
– As Nosas: Novo duelo galego e ademais seguido, o Carballal é un rival forte?
Uxía Ferreiro: Como xa dixen anteriormente o plantel do Carballal compose de boas xogadoras que xamáis se renden. Vai a ser un partido moi duro xa que pola nosa parte contamos cun gran número de baixas. Aínda así intentaremos gañar o partido e loitaremos cada acción.
– As Nosas: Veñen de impoñerse ao líder da clasificación, o Balonmano San José Obrero Lanzarote. Que é o que máis temedes delas?
Uxía Ferreiro: Sinceramente o peor rival ao que nos enfrontamos somos nós mesmas. Estamos nunha Liga na que todos os equipos son asequibles e con calidade. É certo que ao gañar ao primeiro sempre ves con máis forzas pero o final tempos que ir partido a partido e centrarnos no que nos vamos a xogar este fin de semana.
Uxía Ferreiro (CdeC Lavadores): “María Pereira e Rúa pódennos facer moito dano pero aínda así non me quedaría con ningunha en concreto”
– As Nosas: Levan invictas tres partidos. Cal das súas xogadoras vos pode facer máis dano?
Uxía Ferreiro: Todas as súas xogadoras son importantes nos seus respectivos postos. A que máis me gustou sempre a mín é Antía, non so pola súa veteranía senón por ser un gran apoio e por facerme sentir integrada, cousa que tamén lograron as demáis. Destaco a María Pereira, que é a máxima goleadora da Liga e xunto con Rúa que nos podo facer moito dano. Aínda así recalco que non me quedaría con ningunha en concreto.
– As Nosas: O teu equipo é noveno na táboa xeral quedan seis partidos para rematar a tempada. Como ves a vosa traxectoria ata agora?
Uxía Ferreiro: A nosa tempada estivo marcada por lesións. Comezamos moi fortes pero agora nótanse as baixas, non só nos partidos senón que tamén nos adestramentos. Pese as dúas derrotas seguidas, as xogadoras que estamos o daremos todo ata que o árbitro asubíe o fin do partido.
– As Nosas: Que meta está na mente do vestiario para esta tempada?
Uxía Ferreiro: A mentalidade de enfrontarse a calquera partido é un factor clave e do que, as veces, frouxeamos. Considero que comezamos cunhas ideas moi positivas pero o perder algún que outro partido, marcounos notablemente facendo así que, en ocasións, fora este o factor que nos fixo perder partidos.
Aínda así somos un equipo moi novo que ten que aprender xogando e a mentalidade que tamén se adestra. O único que nos fai falta é creer que podemos con calquera e a partir de ahí poderemos gañar ou perder, pero as sensacións sempre serán de aspirar a máis no seguinte.
