Cos ingredientes clásicos da especialidade máis vertixinosa do BTT, o Descenso regresou este domingo a territorio autonómico coa disputa do Campionato de Galicia 2021 en Ponteareas. Alí destacou unha rider en idade xuvenil anotouse o triunfo absoluto entre as mulleres. A júnior Uxía Álvarez (Coruxo) marcou o mellor crono na clasificatoria e repetiu na final cun rexistro de 2:57,035.
🚴♀️🚴 Como desfrutamos do Campionato Galego de Descenso BTT celebrado na Picaraña! Moitas felicidades ás e aos 125 deportistas participantes é ao #PontebikeTeam pola extraordinaria organización do evento! 👏👏#btt #descenso #campionatogalego #Ponteareas @F_Gal_Ciclismo pic.twitter.com/45Jh415OKp
— Concello Ponteareas (@ponteareas_gal) July 5, 2021
A defensora da coroa galega bateu por 2 segundos á campioa elite Gemma Chapela (VK Bikes), quedando en terceira posición Lucía Piñeira (Pontebike), que se vestiu co maillot autonómico cadete.
Entre as competicións de descenso masculino, o sub23 Víctor Mariño (X Bikes) foi o rider máis rápido no primeiro evento de DHI celebrado dende que comezou a pandemia, segundo informa a Federación Galega de Ciclismo. A Ultimate Downhill do Tea decidiuse por menos dun segundo, un desenlace emocionante nun circuíto técnico no que se repartiron dez títulos.
