O acento arxentino seguirá a se escoitar no vestiario do Mecalia Atlético Guardés un ano máis por triplicado. A gardameta internacional Marisol Carratú non será a única arxentina no equipo a próxima tempada. O equipo seguirá contando nas súas filas coa extremo dereito Rosario Urban e a primeira liña destra Martina Mazza. Con estas dúas renovacións xa son nove as xogadoras coas que conta o adestrador José I. Prades: Carratú, Sempere, Pérez, Buforn, Descalzo, Gómez, Valero, Urban e Mazza.
Ao Mecalia Atlético Guardés xa só quédanlle no seu persoal tres das integrantes que conquistaron o título de Campión de Liga na 2016-2017: Marisol Carratú, África Sempere e Rosario Urban. A extremo zurda arxentina (Buenos Aires, 1997) apostou por continuar un ano máis na Guarda -celebrará o lustro- porque está “moi contenta co grupo, co gran proxecto que vén e porque sinto en casa”. Urban terá compañeira nova tras a baixa de Sara Bravo.
Rosario Urban, xogadora do Guardés: “O ambiente que se vive acá é de fogar”
A nova xogadora internacional que apostou por cruzar o charco e vivir a aventura do balonmán europeo recoñece que “o ambiente que se vive acá é de fogar2 e este clima faille sentirse “cómoda”.
A valoración de Urban é tanto individual como colectiva ao afirmar que a xa finalizada tempada “sentín moi ben, tanto coas miñas compañeiras como comigo mesma”, apunta. Tamén recolle de maneira positiva que se formou “un grupo incrible que fai que nos potenciemos para sacar o mellor de nós”, describe.
Rosario Urban: “Crecín en todos os aspectos”
Aos seus 23 anos a progresión de Urban continúa e a extremo cre que haber “crecido en todos os aspectos” é froito de contar “coa axuda de todo o pobo, desde o corpo técnico, a directiva, compañeiras e a nosa fermosa afección: o noso oitavo xogador en cancha”, enumera.
A pesar das excepcionais circunstancias que levaron a finalizar a tempada fóra das pistas Urban cre que “aínda que nos gustou xogar até o final, o bo é que ninguén se gardou nada e baleirabámonos en cada partido e adestramento”. Será un verán atípico para Urban e as súas compañeiras arxentinas xa que, en principio, este verán non viaxarán ao seu país.
Martina Mazza, repite por segundo ano no Guardés
Tamén Martina Mazza (Lombas de Zamora, 5/02/1997) manterase na primeira liña guardesa por segunda tempada consecutiva. A moza, destra, chegou ao Guardés tras vivir o descenso de categoría co Canyamelar Valenci.
Mazza iniciouse no seu país natal nas filas do Club Atlético Lanús para posteriormente continuar co transvasamento de xogadoras arxentinas cara a Europa: estreouse no Cleba León en División de Honra e despois en Prata e cambiou de aires fichando polo Canyamelar Valencia. Agora prepárase para vivir o seu segundo ano no Baixo Miño: “Estou moi contenta de poder continuar outro ano máis nun equipo como Guardés, con todo o orgullo e responsabilidade que iso leva”, confesa.
Martina Mazza, xogadora arxentina do Mecalia At. Guardés: ?É un orgullo e unha responsabilidade seguir un ano máis no Guardés?
Mazza lembra que chegou á Guarda “chea de ilusión e, sobre todo, con moitísimas ganas de aprender e crecer como xogadora” e así o puido facer competindo en Europa, na Liga Guerreiras Iberdrola e pendente de vivir a fase final da Copa Reina 2020-2021.
“É unha mágoa que non puidésemos terminar a tempada como nos gustou a todos e con iso poder despedirnos das nosas compañeiras como se debe e merecen” lamenta Mazza, quen se mostra comprensiva e concienciada coa situación actual: “entendemos que isto é unha causa de forza maior que necesita da axuda de todos nós para saír o mellor e máis pronto posible”, desexa.
Martina Mazza, xogadora arxentina do Mecalia At. Guardés: “É unha mágoa que non puidésemos terminar a tempada como nos gustou a todos e con iso poder despedirnos das nosas compañeiras como se debe e merecen”
