A cinco xornadas do final da División de Honra Prata, tres dos equipos galegos xogan na casa. O Rubensa Porriño, tralo descanso da semana pasada, recibe na casa ao Siero Deportivo Balonmano. O SAR Rodavigo en racha recibe ao Comercial Ulsa Hand Vall. O Lavadores poñerán a guinda ante o Balonmano Gijón. Só o Carballal viaxará o sábado para enfrontarse ao Rodríguez Cleba.
Partido moi físico para o Carballal
As do Carballal será o único equipo galego que non xogará na casa esta fin de semana. O sábado 22 de febreiro, ás 17.30 horas disputan no Pavillón Municipal de San Sebastían ante o Rodriguez Cleba. As galegas están nun bo momento con catro vitorias seguidas, a última no duelo galego ante o Lavadores e nunha sexta posición con 24 puntos.
“Cleba é un equipo que defende moi ben e corre moitísimo polo que será un partido moi físico. Fará falta que as poucas que estén no partido, vaian ao 100% xa que necesitarei que todas as xogadoras aporten algo ao encontro”, comentaba Javier Castro, o adestrador do Carballal, para As Nosas. Vai a ser un partido no que competir será a clave posto que están un pouco escasos de xente xa que as xuvenis teñen un partido en Tui.
O rival é cuarto na táboa xeral con 31 puntos, 7 por riba das galegas. Nas últimas catro xornadas perderon dous partidos ante o Lanzarote-Puerto del Mar e o Oviedo Balonmano Femenino. Gañaron dous tamén ante o Balonmano San José Obrero Lanzarote e o Siero Deportivo Balomano.
DATOS DE INTERESE
DÍA E HORA: 22 de febreiro, ás 17.30 horas.
CAMPO: Pavillón Municipal de San Esteban.
ÁRBITROS: Tomás Fernández Merino e Omar Fagundez Pérez.
INCIDENCIAS: Partido correspondente a xornada 21 da División de Honra Prata de balonmán no que enfrontará ao Rodriguez Cleba e o A.D. Carballal no Pavillón Municipal de San Esteban.
Miguel Sánchez: “Temos ganas de resarcirnos da derrota”
A competición se acaba. O Rubensa Porriño terá un partido no que sumar será importante tanto como para elas como para o seu rival. O sábado 22 de febreiro, ás 17.15 horas reciben no Pavillón Municipal de Porriño, o Siero Deportivo Balonmano.
“Afrontamos o encontro con moita ilusión e sobre todo con ganas de resarcirnos da derrota” comentaba Miguel Sánchez, o adestrador do conxunto porriñense, para As Nosas. Ademais lembrou a primeira volta onde foron por diante durante todo o tempo menos nos minutos finais que cometeron “erros e non supimos xogar con presión ambiental”.
O Siero Deportivo Balonmano é décimo terceiro na clasificación suman dez puntos menos que as de Porriño (16) e levan unha racha de catro derrotas consecutivas. “Teñen que espremer ao máximo as súas opcións e loita ata o último minuto”, engadía sobre o rival, Miguel Sánchez.
O plantel galego ademais tivo un pequeno descanso a xornada anterior. O seu rival disputaba a Copa da Raíña e ese partido xogarase no mes de marzo. Para esta cita, “espero un partido igualado, con predominio das defensas sobre los ataques y con un ritmo alto”.
Non estarán todas as xogadoras. Contan con moitas baixas. Carmen e Laura non estarán por lesións e haberá catro xogadoras que compiten co equipo porriñense de División de Honra Feminina que xustamente despois deste partido, teñen a cita para a salvación.
DATOS DE INTERESE
DÍA E HORA: 22 de febreiro, ás 17.15 horas.
CAMPO: Pavillón Municipal de Porriño.
ÁRBITROS: Abel Juncal López e Angel Mateos Alonso.
INCIDENCIAS: Partido correspondente a xornada 21 da División de Honra Prata de balonmán no que enfrontará ao Rubensa BM Porriño e o Siero Deportivo Balonmano no Pavillón Municipal de Porriño.
Elisardo González: “A Bombonera nos dará o plus para que a vitoria quede do noso lado”
As de Redondela atópanse nun bo momento nesta segunda volta da competición. Nas últimas xornadas sumaron catro vitorias consecutivas, o que as fai permanecer na oitava posición da táboa con 18 puntos. Esta fin de semana volven á Bombonera para recibir ao Comercial Ulsa Hand Vall o sábado 22 de febreiro, ás 18.30 horas.
“É un rival complicado. Está na parte media alta da táboa”, comentaba Elisardo González, o adestrador do SAR Rodavigo, para As Nosas. Son quintas con dúas vitorias, un empate e unha derrota nas últimas catro xornadas. “Intentaremos seguir compitiendo como nos últimos partidos para conseguir novamente outros dos novos puntos”, engadía.
Pero, as redondelás teñen o factor cancha da súa man. “El partido será muy competido ya que nos conocemos bastante bien. Espero que la Bombonera nos de un plus más para llevar la victoria de nuestro lado”, concluía o adestrador galego.
DATOS DE INTERESE
DÍA E HORA: 22 de febreiro, ás 18.30 horas.
CAMPO: Pavillón Municipal de Redondela – La Bombonera
ÁRBITROS: Julio Villanueva Pérez e Pablo Álvarez Vázquez.
INCIDENCIAS: Partido correspondente a xornada 21 da División de Honra Prata de balonmán no que enfrontará ao SAR Rodavigo e o Comercial Ulsa Hand Vall no Pavillón Municipal de Redondela, La Bombonera.
Conseguir puntos para romper a mala racha
O CdeC Lavadores quere romper coa mala racha. Nas últimas xornadas perderon tres partidos, sendo dous delas as citas galegas ante o Rodavigo e o Carballal. Agora mesmo atópanse na novena posición empatadas a puntos co Rubensa Porriño.
Volven a casa. Esta fin de semana, o sábado (22 de febreiro, ás 20.00 horas) poñen o broche a competición por parte do cadro galego recibindo na casa ao Balonmano Gijón. Para esta xornada teñen as baixas de Sandra López, Sandra Costas e Danilza Liranzo, que estará ata o fin de tempada. Mónica tampouco estará.
“Jugamos contra Gijón, un equipo que sempre compite todos os encontros. Conseguiu alonxarse dos postos de descenso e virán con moitas ganas de sumar para seguir máis afastándose. Será un partido duro contra elas pero que temos que conseguir dous puntos e romper a racha negativa”, comentaba Anxo Otero, o adestrador do Lavadores para As Nosas.
DATOS DE INTERESE
DÍA E HORA: 22 de febreiro, ás 20.00 horas.
CAMPO: Pavillón Municipal de Lavadores.
ÁRBITROS: Cristian da Silva Barbadaes e Tomás Luis García Álvarez.
INCIDENCIAS: Partido correspondente a xornada 21 da División de Honra Prata de balonmán no que enfrontará ao CdeC Lavadores e o Balonmano Gijón no Pavillón Municipal de Lavadores.
