Pasan as xornadas e os puntos non chegan para o Dépor ABANCA. Sete partidos e sete oportunidades perdidas de puntuar. Con cero vitorias e cero empates, as xogadoras de Manu Sánchez seguen loitando por sobrevivir na Liga Iberdrola. Este domingo, 22 de novembro, ás 16:15 horas, terán unha nova oportunidade fronte ao Atlético de Madrid en ABANCA-Riazor.
Para afrontar este reto, o corpo técnico deulle esta semana unha volta ás rutinas de traballo. Buscaron recuperar a alegría e distraer as mentes das futbolistas á procura, tal e como dicía o míster en rolda de prensa, de “recuperar a esencia deste Dépor”. Verase o domingo se a táctica fai que as branquiazuis recuperen a súa alegría sobre o tepe xa que, como destacaba o seu adestrador, Manu Sánchez, é obvio que “non se olvidaron de xogar ao fútbol”.
Non hai que esconder que o reto é maiúsculo. As actuais colistas deberán tentar frear a un equipo que está competindo pola primeira posición. A tan só dous puntos do líder, a UD Granadilla Tenerife, as xogadoras madrileñas soamente perderon un encontro desta tempada.
“É obvio que o Atlético de Madrid se cadra é o mellor equipo dos últimos cinco anos en España”, admitía Sánchez consultado polo rival. “Ten unha plantilla espectacular. Trátase dun proxecto de fútbol feminino que non vou descubrir eu aquí”, puntualizaba o adestrador. Pero, aínda así, advertía que, ao final “son once xogadoras que imos ter diante. Once xogadoras que se interpoñen no noso obxectivo. Hai que pasar por riba elas para conseguilo. Non hai máis”
Manu Sánchez, adestrador do Dépor ABANCA: “O Atlético de Madrid ten unha plantilla espectacular, pero son once xogadoras que imos ter diante. Once xogadoras que se interpoñen no noso obxectivo. Hai que pasar por riba elas para conseguilo. Non hai máis”
Esta cita en Riazor será o debut das albivermellas en A Coruña, xa que o partdio de volta da tempada anterior tivo que ser cancelado pola situación sanitaria.
O Dépor ABANCA recupera a Peke
Pola súa banda, as deportivistas dedican cinco encontros desta semana a preparar o partido, sendo o último adestramento o sábado pola mañá. O vestiario do Dépor ABANCA ten un motivo máis para afrontar con optimismo a cita do domingo. Peke volverá ao equipo tras recuperarse do proceso vírico que a mantivo lonxe do verde. Así, Sánchez terá a todas as xogadoras a súa disposición, agás Kenni, que segue de baixa e Michelle Romero ten unha escordadura do xeonllo que tamén fará que estea alonxada do terreo de xogo neste encontro.
Tampouco ten claro o corpo técnico deportivista o papel que poderá aportar Peke neste cruce. Virá dado pola súa recuperación ata o día do partido. “É unha ledicia tela nos adestramentos, e que estea no grupo. Peke ven dun parón de case un mes, pero é unha xogadora que se coida moito, moi profesional e a súa recuperación tamén leva menos tempo que noutros casos”, explicaba Manu Sánchez en rolda de prensa ás preguntas dos medios. Con todo, apuntillaba: “Imos ver qué pode facer”, deixando aberto o seu concurso ou non no once inicial deportivista.
Polo momento, a dianteira branquiazul forma parte da convocatoria para este importante choque no Estadio Municipal ABANCA – RIAZOR. A lista de futbolistas que recibiron a chamada do corpo técnico para esta cita deportiva é a seguinte:
As branquiazuis agardan que desta vez, o efecto Riazor funcione e o estadio sexa un talismán que as alonxe por fin da derrota. O club aínda non especificou as condicións de acceso ao estadio, xa que está pendente da actualización das limitacións sanitarias, pero poderá seguirse a través de GOL.
Manu Sánchez: “No traballo desta semana buscamos un cambio de mentalidade”
