Esta fin de semana, pegada á ponte do Día das Letras Galegas (adicado este ano ao autor Florencio Delgado Gurriarán) será aproveitado polo atletismo galego para desenvolver unha intensa actividade atlética. Liga de Clubs estatal, Campionato Galego de clubs de categorías de base, o galego máster, e tamén citas en ruta. Contámovolo grazas á información facilitada pola Federación Galega de Atletismo.
A segunda xornada do Campionato Estatal de Liga de clubs contará ca presenza de catro dos nosos equipos galegos que defenderán os seus intereses en Honra e Primeira División. Na máxima categoría tanto Ría Ferrol como Sociedad Gimnástica, pelexarán por lograr un bo posto que lles garante estar un ano máis no Top da categoría estatal. Logo do seu bo primeiro encontro, acudirán nesta ocasión a Castellón e Barcelona respectivamente ca idea de seguir sumando puntos cara a esa clasificación final.
Na categoría femenina un equipo do Celta moi motivado, contará cunha excelente oportunidade en Valladolid para enmendar o frouxo comezo de competición. Pola súa banda as deportistas da Gimnástica de Pontevedra intentarán prácticamente pechar en Lleida a súa permanencia un ano máis nesta importante categoría.
Na Primeira División masculina o Real Club Celta, logo das excelentes sensacións deixadas na primeira xornada, loitará por dar un paso máis ao fronte no seu soño de estar en Honra a vindeira tempada, para o cal terá que viaxar ata Monzón e refrendar o seu bo momento. Desde logo sería a millor das homenaxes posibles que se poidera tributar a Alfonso Posada.
Campionato de Galicia de clubs Sub-10, Sub-12 e Sub-14
Continuando ca axenda atlética galega, o Barco de Valdeorras será sede este sábado 14 de maio a partir das 10.30 horas da disputa do Campionato de Galicia por clubs das categorías base do noso deporte.
Un total de 640 participantes e 21 equipos serán quenes enchen as pistas do Estadio de Calabagueiros para tomar parte nesta edición que xunta aos mellores atletas Sub-10, Sub-12 e Sub-14 do noso deporte.
Campionato de Galicia Máster
De igual modo o domingo 15 de maio a partir das 10.00 horas e polo Estadio Gregorio Pérez Rivera de Lugo, desfilarán un total de 429 atletas que tomarán parte na gran cita anual correspondente ao Campionato de Galicia Máster.
A data que tivo que ser adiantar como consecuencia de que a RFEA ubicou as súas ligas nacionais másters no día 4 (que era orixinalmente a data escollida para o galego) contará ca presenza dos plusmarquistas mundiais Esther Pedrosa, Domingo Álvarez e Nemesio Gutiérrez entre outros.
Citas atléticas de ruta e pista
Pero non só son os distintos campionatos galegos e estatais quenes ocupen a axenda competitiva atlética, se non que a maiores poderemos disfrutar dunha ampla oferta en pista ca disputa do clásico Memorial Gregorio Pérez Rivera-Trofeo Mariano Castiñeira en Lugo e o Trofeo Sociedad Gimnástica no CGTD de Pontevedra
Na ruta contaremos cas citas da Carreira Pedestre de Frades (Frades) , Carreira Popular pola Ría de O Burgo (O Burgo), Carreira Praia de Samil-Memorial Alfonso Varela (Vigo) así como unha nova edición da Carreira do Camiño das Letras (Santiago)