- O Viaxes Amarelle FSF clasifícase, matematicamente, para disputar o play-off de ascenso á máxima categoría do fútbol sala feminino estatal tras derrotar ao AD Mioño FSF en Castro Urdiales cun contundente tanteo de 3-12. Pese ao avultado do resultado final, as locais marcaron primeiro e obrigaron ás coruñesas a remontar.
O equipo herculino do Viaxes Amarelle FSF visitaba a un rival en plena loita por meterse en postos de Copa de S.M. A Raíña de Fútbol sala para a tempada próxima, e o AD Mioño FSF conseguía adiantarse no marcador, pero o equipo galego daba a volta ao marcador e asinaba unha vitoria, que lle permite clasificarse matematicamente para a disputa dos play-off de ascenso a Primeira RFEF Futsal Feminina, por un marcador de 3-12, grazas aos goles de Lau Doce (3), Candela Soria (2), Cris Lourés (4), Khrystyna Stepanenko (2) e Carlita.
O partido daba inicio cun conxunto herculino querendo levar a iniciativa do xogo, como nos ten afeitos, pero atopábase cun gol das locais, nunha xogada de estratexia aos 3 minutos de partido, véndose cun marcador de 1-0. A escuadra herculina reaccionou pronto, e apenas un par de minutos máis tarde Lau Doce igualaba a contenda; e pouco antes de chegar á medianía do período, Candela Soria poñía o 1-2 no marcador.
As locais ofrecían resistencia ao ataque galego, pero aínda así o Viaxes Amarelle FSF conseguía escaparse no marcador con dous goles practicamente consecutivos de Cris Lourés e Lau Doce no minuto 14, para poñer un 1-4 no luminoso. Pero apenas uns segundos máis tarde, o conxunto local, nunha nova xogada de estratexia recortaba distancias ata o 2-4, cun gol de Tuti.
O conxunto herculino non conseguía tomar distancia no marcador, fronte a un AD Mioño FSF moi serio sobre a pista; pero Khrytyna Stepanenko conseguía subir o 2-5, a falta de tres minutos para o final do primeiro tempo. E cando todo parecía que se ía a ir así ao tempo de asueto, o AD Mioño, a falta de 45 segundos para o descanso, subía o 3-5 ao marcador.
Xa no segundo acto do encontro, o Viaxes Amarelle FSF empezaba querendo mandar sobre a cancha, e no primeiro minuto de xogo, conseguía poñerse 3-7 no marcador, grazas aos goles de Carlita e Lau Doce.
O Viaxes Amarelle FSF seguía dominando o partido, e xeraba perigo constante sobre a portería local, e Candela Soria, pouco antes de chegar á medianía do período, subía o 3-8 ao marcador.
O partido encarrilaba os últimos minutos de xogo, pero as galegas non baixaban o ritmo, e Cris Lourés apareceu na cancha, para asinar tres goles consecutivos nos minutos 33, 34 e 36; que deixaban o luminoso nun 3-11 para o equipo dirixido polo adestrador Jorge Basanta.
Pero por moi avultada que sexa a vantaxe, as herculinas seguen mantendo a intensidade e o ritmo no partido, e así foi como a falta de dous minutos para o final, Khrystyna Stepanenko subía o 3-12 ao marcador, que ao cabo sería definitivo para sumar a vixésimo segunda vitoria da tempada das herculinas; e certificar a súa clasificación matematicamente para a disputa do play-off de ascenso á Primeira RFEF Futsal Feminina.
O FSF Castro, seguinte rival dun Amarelle con sitio seguro no play-off
Tras este novo partido oficial da tempada que deu a clasificación matemática das laranxas para disputar o play-off de ascenso, o equipo herculino regresará o luns aos adestramentos, para preparar o seguinte encontro de liga, onde terá que recibir a un dos rivais da zona nobre da táboa.
O cruce, correspondente á vixésimo terceira xornada da Segunda División do futsalfem da RFEF, terá lugar o sábado 30 de abril de 2022 no Pavillón Municipal de Sagrada Familia da cidade da Coruña, ás 18:00 horas, recibindo as futbolistas lucenses do FSF Castro.
FICHA TÉCNICA
3) AD MIOÑO FSF: Raquel, María, Sandra, Carolina, Tuti (cinco inicial), Paula Lorena, Mónica, Laura, Lucía Bolado, Ana, Andrea.
12) VIAXES AMARELLE FSF: Leti Rojo, Cris Lourés, Èlia Gullí, Yaiza, Candela Soria (cinco inicial), María Gómez, Lau Doce, Carlita, Patri Romaní, Khrystyna Stepanenko, Daryna Tkachenko.
GOLES: 1-0 Mónica (min. 3); 1-1 Lau Doce (min. 5); 1-2 Candela Soria (min. 8); 1-3 Cris Lourés (14); 1-4 Lau Doce (min. 14); 2-4 Tuti (min. 15); 2-5 Khrystyna Stepanenko (min. 17); 3-5 Sandra (min. 20); 3-6 Carlita (min 21); 3-7 Lau Doce (min. 21); 3-8 Candela Soria (min. 28); 3-9 Cris Lourés (min. 33); 3-10 Cris Lourés (min. 34); 3-11 Cris Lourés (min. 36); 3-12 Khrystyna Stepanenko (min. 38).
EQUIPO ARBITRAL: Alfredo Jesús Mendoza del Real e Luis Navamuel Fernández do Comité Técnico de Árbitros de Cantabria. Na mesa estiveron: Paula Sayalero Blázquez do Comité Técnico de Árbitros de Cantabria. Recibiron amonestación con cartón amarelo: Sandra del AD Mioño FSF, así como Khrystyna Stepanenko do Viaxes Amarelle FSF (Tarjeta Amarilla).
INCIDENCIAS: Partido correspondente á 22ª xornada do Grupo 1 da Segunda División do Futsal Femenino da RFEF disputado no pavillón municipal Portus Amanus na localidade cántabra de Castro Urdiales.
