O Aceites Abril CVO da Primeira División Feminina do Voleibol estatal suma 3 importantes puntos ante un rival moi loitador, o Universidad de Salamanca ao que se impuxeron as galegas por 1 set a 3 con marcadores parciais de: 25 20 , 14 25 19 25,18 25. O conxunto ourensá adica a vitoria desta semana á familia do Club Voleibol Ourense pola perda nun fatal accidente de tráfico dun dos seus membros nestes días. Todo o plantel quixo dedicar a vitoria a esta persoa e lanzarlle á familia “unha mensaxe de apoio”.
Ambos os dous equipos afrontaban o encontro con moitas necesidades de conseguir os 3 puntos para poder alcanzar os obxectivos de final de tempada.
O partido comezou co equipo local moi concentrado e efectivo en todas as súas facetas do xogo, todo o contrario que as ourensás xa que durante todo o primeiro parcial non eran capaces de entrar no ritmo do partido cometendo moitos erros que as levarían a perder claramente o primeiro set.
O inicio do segundo set foi totalme nte adverso ao primeiro o Aceites Abril CVO liderado por se capitá Gladys na faceta do saque conseguía destruír a recepción local sacando unha gran vantaxe que se mantería durante todo o set.
No terceiro e cuarto set a igualdade foi a tónica xeral durante ambos os parciais, só nas rectas finais de ambos os sets as visitantes eran capaces de abrir brecha desde o saque e facendo valer está até o final.
Finalmente, un importante logro para os intereses do Aceites Abril CVO que se afianza na cuarta posición da táboa clasificatoria da Primeira División Feminina do Voleibol da RFEVB
O seguinte compromiso das ourensás será o domingo 21/02/21 ás 11:30 horas recibindo ao Universidad de Valladolid no Pavillón Polideportivo O Pompeo de Ourense. Trátase do seu inmediato perseguidor na clasifiación. Sepáranas catro puntos.
