O Club Balonmán Atlético Guardés ten nas achegas a combinados nacionais as súas últimas novidades informativas. O técnico José Ignacio Prades está a traballar cos equipos Objetivo 2021 e Guerreras, mentres que Paula Arcos está coa Selección Júnior de España, e Erika Rajnoho vén de ser convocada pola selección eslovaca.
No que atinxe ao traballo co Objetivo 2021, o preparador do Atlético Guardés, José Ignacio Prades estivo co combinado español en Granollers. Alí o grupo traballou ata o sábado para preparar o Mundial de Balonmano de España 2021 en sesión dobre no Palau d´Esports.
En Granollers continúa o adestrador do equipo galego e tamén membro do equipo técnico da Federación Española de Balonmán. Ata o domingo 4 de outubro haberá actividade do equipo Senior Feminino Absoluto: as Guerreras.
Polo que atinxe a Paula Arcos, a deportista do equipo de balonmán galego está coa Selección Júnior W20 concentrada en Madrid ás ordes de Imanol Álvarez. Alí estará ata o 4 de outubro adestrando co combinado español nas instalacións deportivas da Universidad Camilo José Cela en Villanueva de la Cañada.
No caso de Erika Rajnohová, tamén xogadora do Atlético Guardés, a central, que chegaba este verán á Guarda, está concentrada desde hoxe 27 de setembro ata o 3 de outubro para levar a cabo unha semana de entrenamentos e disputar varios amistosos coa selección eslovaca.
