Tres puntos separan agora mesmo ao Dépor ABANCA da tranquilidade. Logo de imporse pola mínima (1-0) en Abegondo ao Sporting Huelva, as deportivistas respiran un pouco máis forte, recuperan fuelle, alento e ánimos con tres puntos que as colocan a outros tres da salvación. O solitario gol de Alba Merino vale o seu peso en ouro.
En xornada entre semana, e tras tres derrotas consecutivas, ao fin vencían as futbolistas que adestra Manu Sánchez. Un trunfo pola mínima pero que ten moitísimo valor xa que lle fixo recurtar distancias na táboa co seu rival, o Sporting Huelva. As onubenses son, xustamente, o equipo que ocupa ese posto 14º na táboa que marca a liña entre a permanencia e o descenso. Sen deixar de ser colistas, as deportivistas teñen a tiro de pedra escalar na clasificación e conservar a categoría.
Non podían fallar, sabíano e non o fixeron. Custou, e moito, vencer nun partido que non tivo donas en case ningún momento. Pero como todo o que supón un esforzo extra, esta vitoria seguramente teña un sabor especial para as deportivistas.
Nest partido, que estaba pendente de disputa por ser adiado na 17ª xornada de Primera Iberdrola, houbo ocasións por ambos bandos e os puntos quedaron #nanosacasa branquiazul como poideron poñer rumbo ao sur. As deportivistas que volvían á Cidade Deportiva de Abegondo e querían agasallar ao seu público cunha alegría. Cumpliron.
Alternancia nas chegadas e na posesión
Arrincou o partido cun pelotazo de Athenea del Castillo que deu no traveseiro. Corría o minuto dous de xogo. Pero as cousas non serían tan doadas para as galegas.
Foi partido cheo de alternancias nas chegadas e nas posesións. A mellor ocasión das visitantes chegaba por unha imprecisión do Dépor ABANCA na saída do balón. O erro local case custa moi caro. Sullastres, aguantou o duelo fronte a fronte con Gey e tocou o xusto o tiro da futbolista do Huelva. Para rematar a faena chegou Iris que evitou que o esférico rematase de cruzar a liña de gol (cara a onde se dirixía inexorablemente). Frustrouse así un tanto que ben podería ter mudado o curso do partido.
Un tiro de Gaby viu porta, pero non subiu ao marcador ao decretarse fóra de xogo. Así se chegaba ao descanso sen que se movese o resultado do 0-0 na Cidade Deportiva de Abegondo.
No minuto 51 se produciría o gol que deu o partido e os tres puntos ao Dépor ABANCA. A insistente presión de Athenea del Castillo provocou que o despexe da central do Sporting Huelva, Cinta Rodríguez, lle quedase curto. Alí estaba Gaby que recolleu o esférico para envialo a Peke que agardaba na área e peiteaba a pelota cara a Alba Merino. Control e pepinazo da capitá branquiazul que fusilaba a Chelsea Ashurst anotando o 1-0.
Penalti?
Seguiron as alternancias nas chegadas e no control do balón, pero as deportivistas mantiñan a súa curta pero resolutiva vantaxe no marcador. Foi moi protestada unha xogada que puido supoñer o 2-0. As futbolistas deportivistas reclamaron unha man dentro da área da estadounidense Claire Falknor que, tería impedido o segundo das galegas. A colexiada non apreciou o mesmo e, polo tanto, non pitou penalti.
Na recta final do choque o RC Deportivo ABANCA fixo un grande esforzo defensivo contendo os intentos do Sporting Huelva que non se rendía e buscaba con insistencia meta de Sullastres. O partido remataría co 1-0. O gol de Alba Merino valeu tres puntos e permite soñar a As Nosas branquiazuis.
O Dépor ABANCA, que segue colista, suma catro trunfos e 14 puntos. Está, como deciamos ao comezo, a so tres puntos (unha vitoria) do Sporting Huelva que ocupa o posto que delimita a permanencia na Primera Iberdrola.
Mañá, xoves 4 de marzo, o equipo que adestra Manu Sánchez ten libre. As futbolistas volven aos adestramentos o venres 5 de marzo ás 17:30 horas na Cidade Deportiva de Abegondo. O seguinte reto competitivo o teñen o domingo 7 de marzo, data na que renderán visita á Real Sociedad, en Zubieta nun encontro correspondente á 21ª xornada de Liga na Primera Iberdrola. O cruce está marcado para ás 11:00 horas e será retransmitido en directo por Gol.
Camiseta especial para a deportivista centenaria Cris Martínez
A futbolista Cris Martínez alcanzaba en terras tinerfeñas o centenar de partidos lucindo as cores branquiazuis. Unha data que terá para ela un recordo en forma, precisamente, de camiseta centenaria. A deportista de Astorga leva catro tempadas na disciplina deportivista. De feito, é a única futbolista que, arestora, se mantén no equipo que adestra Manu Sánchez con respecto á primeira plantilla do equipo feminino do RC Deportivo nesta nova etapa competitiva que arrincou no 2016. Xogou o primeiro partido e viviu o ascenso do equipo coruñés á elite do fútbol feminino español.
De recordo para a segunda centenaria d #asnosas, unha peza especial d #asnosascores. Parabéns CRIS 🔵⚪️💯⚪️🔵 pic.twitter.com/Se4rVWySs5
— RC Deportivo (@RCDeportivo) March 3, 2021
Cris Martínez é a segunda en alcanzar esa cifra histórica de cen partidos xogados co Dépor ABANCA. Hai unhas semanas tomoulle a dianteira a súa compañeira, a venezolana Gaby, a primeira deportivista centeneria.
FICHA TÉCNICA
RC DEPORTIVO ABANCA: Sullastres, Cris, Iris Arnaiz, Blanco, Patri López, Ainoa, Alba Merino, Gaby, Eva Dios (Michelle Romero, min. 85), Athenea y Peke (María Figueroa, min. 88).
SPORTING CLUB DE HUELVA: Chelsea Ashurst, Pau (Paula Romero, min. 46), Patri Ojeda, Cinta Rodríguez, Kristina Fisher, Yoko Tanaka, Castelló (Waldman, min. 66), Claire Falknor, Gey (Kanteh, min. 56), Dany Helena (Jenifer, min. 82) y Mayra Ramírez.
GOL: 1-0 Alba Merino (min. 51).
ÁRBITRA: Fernández Ceferino, do Colexio de Asturias. Amosou cartón amarelo polas visitantes ás futbolistasCastelló (min. 7), Pau (min. 25), Gey (min. 52) e Cinta Rodríguez (min. 66).
INCIDENCIAS: Partido aplazado de la 17ª xornada de Primera Iberdrola disputado na Cidade Deportiva de Abegondo con afluencia limitada a 150 espectadores debido a la pandemia de COVID-19, pero que supuña a volta do público aos partidos do conxunto branquiazul na casa.
Alba Merino: “Animicamente é un paso moi grande, collemos moral… é unha vitoria moi importante”
