Esta semana é trascendental para o futuro do Dépor ABANCA. As coruñesas terán dous partidos, e dúas oportunidades, de seguir medrando na clasificación da Liga Iberdrola e ter máis opcións de salvar a categoría. O primeiro reto será este mesmo mércores, 19 de maio, ás 18:00 horas, ante o Atlético de Madrid no centro deportivo Wanda en Alcalá de Henares (#Vamos).
Este duelo suporá a recuperación da 25ª xornada, que tivo que adiarse na súa data orixinal polos casos de COVID-19 detectados no conxunto colchonero.
Tres puntos vitais en xogo para o Dépor ABANCA
O encontro deste mércores pon en xogo tres puntos que son vitais para o Dépor ABANCA, que se xoga sobre o verde moito máis que as locais.
O Atlético de Madrid, que cunha traxectoria irregular caeu á sétima posición da táboa, non se xoga nada nesta xornada aprazada. Porén, as coruñesas ven como o seu futuro pende dun fío, coa salvación a cinco puntos de distancia e a Liga a piques de rematar.
Actualmente, as deportivistas ocupan a 16ª posición, con 24 puntos obtidos en sete vitorias, 3 empates e 19 derrotas. O primeiro equipo salvado é o Rayo Vallecano, que suma 29 puntos en 30 partidos disputados.
Entre andaluzas e galegas está o RCD Espanyol, tamén con 24 puntos, que caeu derrotado ante as coruñesas na última fin de semana. Os postos de descenso complétanse co Santa Teresa, con 23 puntos e na penúltima posición, e o EDF Logroño, colista con 22 puntos.
Só quedan cinco partidos en xogo para as futbolistas de Manu Sánchez, pero no banco branquiazul hai confianza. Alba Merino, quen pasou este mesmo martes por rolda de prensa, asegura que “imos a Madrid a intentar sumar, sabemos que é un partido difícil, pero a nosa intención é saír a polos tres puntos e puntuar”. O Dépor ABANCA xogara ante o que foi o seu equipo entre o 2007 e o 2011.
Alba Merino: “Pelexamos cada partido ata o final e non baixamos os brazos”
As deportivistas queren o desquite da goleada de Riazor
Esta será a segunda vez que albivermellas e branquiazuis se enfrontan esta tempada. A primeira delas, no partido correspondente á primeira volta, a vitoria foi contundente para as entón visitantes, o Atlético de Madrid.
As colchoneras derrotaron ás galegas por un 1-8, na que era entón a oitava derrota herculina. Desde entón, a situación do que agora será equipo local mudou, e malia seguir como un dos grandes conxuntos da categoría, as madrileñas xa non optan ao título de Liga ou á competición europea.
Nos últimos cinco partidos, tanto as xogadoras do Atleti como as do Dépor ABANCA sumaron dúas vitorias. No caso das primeiras foi ante o Athletic Club e o Madrid CFF. Pola súa parte, as galegas venceron a RCD Espanyol e a Madrid CFF.
A diferenza nestas últimas cinco xornadas estivo nos empates, logrando as colchoneras un empate máis que as herculinas.
Volve Lía, pero Stephannie Blanco e Abeláez son baixa
Na lista de xogadoras convocadas hai unha gran novidade. Manu Sánchez contará con Lía, quen acaba de regresar ao plantel do Dépor ABANCA.
A futbolista coruñesa regresou a Galicia despois dunha breve estancia nos Estados Unidos, aos que marchou no pasado mes de xaneiro para cursar os seus estudos. Lía estivo na bancada de Abegondo no partido ante o RCD Espanyol e xa completou un par de sesións de traballo coas súas compañeiras.
Con esta novidade, Sánchez porá dispoñer do seu plantel agás Stephannie Blanco, sancionada por acumulación de amonestacións, e Carolina Arbeláez, que segue recuperándose da súa lesión.
Quenes si estarán son as xogadoras da base Eva Dios, María Figueroa, Patri López e Carlota.
Así queda a lista completa de convocadas polo adestrador do Dépor ABANCA, Manu Sánchez:
- Sullastres
- Villegas
- Iris Arnaiz
- Michelle
- Athenea
- Alba
- Kika
- Gaby
- Noe Bermúdez
- Helena
- Bedoya
- Lady
- Peke
- Ainoa
- Cris Martínez
- Carlota
- Patri López
- Eva Dios
- Lía
- María Figueroa
