Tiveron que pasar doce meses, pero un ano despois o taekwondo galego regresa á competición. O fará celebrando o Campionato Galego Absoluto de Combate, que se disputa este sábado, 6 de marzo, en Ourense.
A inscrición, de ata 80 deportistas, terá ausencias notables como a de varios campións estatais como Sara Cortegoso, Tania Castiñeira, Iván García ou Arlet Ortiz. Así, como representación dos campións do ano 2020, a única deportista que competirá é Alma Pérez.
Estreos na categoría absoluta nun torneo marcado pola COVID-19
Segundo informa a Federación Galega de Taekwondo, a gran novidade para esta edición será a presenza das atletas dos anos 2003 e 2004, que se estrean na categoría absoluta con gañas de sorprender.
Ademais, este torneo de taekwondo, decisivo para a confección da lista de seleccionados para o Campionato de España, estará marcado polos protocolos COVID-19. O torneo divídese en dúas sesións (mañá e tarde, estando nesta a feminina). Todos os participantes deben realizar o día anterior, na pesada, un test de antíxenos para confirmar que non son positivos.
O campionato será retranmsitido vía streaming nesta ligazón para chegar a todo o seu público, xa que se disputa a porta pechada.
