Un Valladares acomodado na zona temprada da clasificación recibe esta xornada a un Umia necesitado de puntos para fuxir dos postos de perigo.
O adestrador do Umia, Tino Buján falou sobre a situación actual que atravesa o clube de Ribadumia: “O noso obxectivo é non descender e a idea é manter a categoría. É certo que neste comezo estannos custando contra rivais que son superiores a nós”.
“Creo que podemos sacar algo o domingo. Temos moita motivación e as rapazas están deseando xogar o derbi. Iso fala do compromiso de este grupo”, concluíu sobre o derbi desde domingo.
O técnico das de Ribadumia conta coas baixas das futbolistas Cris e Laura Gómez, ambas son ausencias de longa duración. Súmanselles Graciela e Sandra que son dúbida por molestias.
