O Umia e Sárdoma teñen duelos moi complicados nesta xornada 19 pero por diferentes motivos. As de Edu González reciben ao Monte, segundo clasificado, no municipal da Bouza o sábado ás 18:00. Mentres, as pupilas de Víctor González visitan a un Rácing de Santader B en postos de descenso o domingo ás 12:00.
Final a final
O Umia acumula tres xornadas sen gañar e quere dar a sopresa na casa ante o segundo clasificado, o CD Monte. As de Edu González, suman 13 puntos e de conseguir unha vitoria, poderían saír dos postos de descenso.
O técnico do Umia falou da importancia de cortar o mal refacho de resultados e conseguir unha vitoria que sería moi importante para o combinado galego: “Afrontamos o partido con moitas ganas de puntuar. Sería fantástico conseguir a vitoria, pois supoñería un paso cara a adiante para conseguir esa ansiada salvación. Aínda quedan oito partidos, oito finais”.
Edu González, adestrador do Umia: “Afrontamos o partido con moitas ganas de puntuar. Sería fantástico conseguir a vitoria, pois supoñería un paso cara a adiante para conseguir esa ansiada salvación. Aínda quedan oito partidos, oito finais”.
“Unha vitoria contra o Monte suporía un punto de motivación extra de cara ao que queda de tempada”, comentaba Edu durante a previa.
Edu González, adestrador do Umia: “Unha vitoria contra o Monte suporía un punto de motivación extra de cara ao que queda de tempada”.
O mister galego confía en unha vitoria que suporía achegarse ao obxectivo da permanencia: “Recibimos ao segundo clasificado con ganas de competirlle o partido e quen haxa tanta diferencia como houbo na primeira volta. Queremos sacar un resultado positivo que nos achegue a ese obxectivo que é a permanencia”.
Edu González, adestrador do Umia: “Recibimos ao segundo clasificado con ganas de competirlle o partido e quen haxa tanta diferencia como houbo na primeira volta. Queremos sacar un resultado positivo que nos achegue a ese obxectivo que é a permanencia”.
O Umia conta coa baixa confirmada de Laura que leva arrastrando unha lesión durante toda a tempada. As galegas tamén terán a dúbida de Miriam Domínguez que ten molestias no xeonllo.
Retomar o voo en Santander
O Sárdoma tamén acumula varios partidos sen saborear as meles da vitoria. Concretamente cinco xornadas, nas que tan só puideron sumar un punto. Nesta xornada viaxan ata Santader para enfrontarse a un Rácing B en postos de descenso que tamén pasa por un mal momento.
O adestrador do Sárdoma, Víctor González, espera acadar a primeira vitoria da segunda volta no Nando Yosu. “Esperamos por fin conseguir a primeira vitoria da segunda volta despois do parón de Nadal. Cremos que o equipo está a traballar ben e facendo bos partidos merecendo bastante máis. Pero a realidade é que non sumamos puntos e que empeza a ser non urxente pero pero si unha situación mentalmente difícil de levar para as xogadoras”.
Víctor González, adestrador do Sárdoma: “Cremos que o equipo está a traballar ben e facendo bos partidos merecendo bastante máis. A realidade é que non sumamos puntos e que empeza a ser non urxente pero pero si unha situación mentalmente difícil de levar para as xogadoras”.
O mister galego sinalou que “levamos soamente un punto dos últimos 15 posibles. Gañar suporía unha tranquilidade a nivel mental e unha estabilidade emocional bastante importante que nos devolvería esa ilusión e poder gozar dos partidos”.
Víctor González, adestrador do Sárdoma: “Levamos soamente un punto dos últimos 15 posibles. Gañar suporía unha tranquilidade a nivel mental e unha estabilidade emocional bastante importante que nos devolvería esa ilusión e poder gozar dos partidos”.
Por último, o técnico das viguesas falou da dificultade das saídas e de visitar a un filial importante como é o caso do conxunto cántabro: “Os desprazamentos sempre fóra son moi difíciles. Calquera dos campos de Cantabria é moi duro e todos os equipos que van alí sofren. Non son partidos fáciles. O Racing ten a necesidade de saír de aí abaixo pero ademais é un grandísimo equipo con xente nova”.
Víctor González, adestrador do Sárdoma: “O Racing ten a necesidade de saír de aí abaixo pero ademais é un grandísimo equipo con xente nova”.
O conxunto vigués continua coas baixas de Judith lesionada no xeonllo e Xavi que está no proceso final da súa lesión. O Umia tamén conta coas baixas por motivos laborais e profesionais de Irene, Mayra e Joana.
