O parón polas festas de Nadal na Primeira División de voleibol está á volta da esquina. Na última xornada antes de que ocorra iso, é a once, onde os equipos galegos xogan fora da casa. Un CD. Heidelberg en racha recibe o Aceites Abril CVO e o Aule, o CV Bruxas.
León será o destino do CV Bruxas
O pavillón da facultade das ciencias da actividade física e o deporte acollerá este sábado (14 de decembro, ás 18.00 horas) o encontro entre o Aule e o CV Bruxas.
As locais están dous postos por debaixo das de Bertamiráns na táboa. A diferencia do colista, o CUV Alcorcón, as de León suman unha vitoria de tres puntos e outra de dous. Tamén ten tres derrotas nas que puntuou un punto e catro nas que non. A favor, do CV Bruxas, veñen de perder o seu último partido contra o Extremadura Apartamentos MM Badajoz (3-0). Mais non son moi constantes porque nas xornada 8 e 9, perderon e gañaron (o último ó Aceites Abril CVO)
No caso das santiaguesas, son oitavas na clasificación. Suman tres vitorias nas que faceron os seis puntos máximos e 7 derrotas: dous nas que alcanzaron un punto e cinco de ningún. A lectura dos partidos é o mesmo co Aule. Veñen de perder contra Curtidora Universidade Oviedo, gañaron na xornada nove ó Feel Volley Alcobendas e perderon na 8, co CV Sanse. Polo que teñen unha constancia de un por riba e un por abaixo.
Heidelberg, un dos líderes, é o rival do Aceites Abril CVO
O Aceites Abril CVO viaxa ata as illas Canarias. A cita, no pavillón Miguel Soleasea, contra o CD. Heidelberg (o domingo, 15 de decembro, ás 11 horas).
Os postos de enriba da táboa da Primeira División están moi rifados. O rival das ourensás, é segundo. Ten un partido xogado máis que o CV Sanse pero gañou un partido conseguindo un punto e perdeu outro sen conseguir apenas un. A diferencia co líder é que aínda no coñeceron a derrota no que vai de liga. A lectura importante para as de Ourense, é que o CD. Heidelberg leva tres vitorias seguidas polo que perseguirá a cuarta.
Mais o Aceites Abril CVO non está moi por debaixo da táboa. Sitúanse na quinta posición. Levan seis vitorias nas que sumaron os tres puntos, unha derrota de un punto e tres de ningún. Ademáis, ocórrelle o mesmo co CV Bruxas: gañaron o último partido frente o Feel Volley Alcobendas, perderon contra o Aule (o rival das de Bertamiráns) na nove e gañaron na oito, ó Curtidora Universidad Oviedo.
