Se o Muralla Galicia Emerging ten unha ocasión de rascar algún punto antes do disputar o decisivo partido contra o Murcia, é xusto nesta xornada. As lucenses medirán forzas co equipo que as precede na táboa, o CR Sant Cugat que atesora so nove puntos. O partido terá lugar o domingo 1 de marzo ás 14:30 horas e será arbitrado por Tatiana Yunta, no ZEM La Guinardera.
Logo de cinco xornadas de Liga na División de Honor, as rivais das galegas unicamente gañaron en dúas ocasións. A máxima anotadora do Sant Cugat é Elisabet Segarra con catro ensaios, dous deles conseguidos na quinta xornada precisamente diante do Murcia, colista.
Unha ocasión para que o Muralla fuxa dos seus medos
Unha fin de semana máis o principal reto do Muralla Galicia Emerging residirá en conseguir sacudirse os medos e sacar o xogo que gochan. Sería fundamental dar unha boa imaxe de cara a chegar con forzas ao cruce determinante para as lucenses nesta tempada na división de prata do rugby estatal.
Ese será o último partido de liga. Disputarase en Lugo, nas Pedreiras, contra o Murcia. Ambos conxuntos xóganse nese partido o ser ou no ser. A permanencia ou o descenso. Por iso o partido vivirarse como unha auténtica final.
Pero iso será a vindeira fin de semana. Agora toca mellorar o xogo e a confianza diante do CR Sant Cugat, un rival propicio para que as xogadoras que adestra a dupla formada por Rogelio Sabio e Jos Portos avancen neses aspectos.
👏🏻Aquest diumenge no et perdis el partidàs del sènior femení contra @MurallaRugby . Diumenge a les 14:30 a la Guinardera. T’esperem!
–
👏🏻Este domingo no te pierdas el partidazo del senior femenino contra Muralla. Domingo a las 14:30 en la Guinardera. Te esperamos! pic.twitter.com/599KNlLDgB— Rugby Sant Cugat (@rugbysantcugat) February 27, 2020