Un equipo vasco, da súa mesma categoría, e nun partido que terá lugar en terras asturianas será a última proba da pretempada do Dépor ABANCA antes de que empece a haber puntos en xogo. O último partido antes do arranque da Primera Federación Iberdrola 2023-24 será en Grado contra do Athletic Club B, hoxe sábado 2 de setembro a partir das 18:00 horas.
O rival das xogadoras que adestra Irene Ferreras milita na mesma categoría que as branquiazuis, a Primera Federación Iberdrola. O partido xogarase no estadio Marqués de la Vega de Anzo.
O encontro ten unha boa nova como principal novidade. Na lista de convocadas xa figura na expedición deportivista a futbolista Ainhoa Marín. A deportista volve a unha convocatoria por primeira vez após ser operada dun xeonllo o pasado mes de xuño.
Ainhoa Marín foi operada con éxito / RCDTamén regresa ao equipo a defensa central Inés Altamira, un alicerce do equipo que se perdeu o último encontro por unhas molestias na fascia plantar.
Deste xeito, Irene Ferreras ten a todas as xogadoras ás súas ordes a pouco máis de 7 días de arrincar a competición en liga na Primera Federación Iberdrola. Para as coruñesas, máximas representantes do fútbol feminino galego, o balón empezará a rodar o domingo 10 de setembro ás 11:00 no estadio Nou Sardenya de Barcelona ante a CE Europa.
Esta é a lista de 21 xogadoras convocadas nas filas das Nosas:
- Yohana
- Samara
- Clara Rodríguez
- Henar
- Inés Altamira
- Paula Gutiérrez
- Eva Dios
- Carlota
- ADT (Ana de Teresa)
- Millene
- Lía
- Lucía
- Ainhoa Marín
- Ayaka
- Laurina
- Raquel
- Marta Charle
- Sara Debén
- Cris Martínez
- Paula Monteagudo
- Elena Vázquez
Onte mesmo facíanse públicos os dorsais que locerán nas costas as futbolistas en liga.
Nesta pretempada 23-24 o Dépor ABANCA suma dúas vitorias (Deportivo Alavés Gloriosas e Real Oviedo), e dúas derrotas (SC Braga e Sporting CP) e un empate (SD Eibar). Este último partido podería dar lugar a un balance de resultados.
Pola parte do filial do Athletic Club contabilizan triunfos ante Bizkerre FT, Racing Féminas, derrotas contra Atlético Feminino B, Sporting de Gijón e SD Eibar. E finalizou en táboas o seu cruce co Burgos CF.
As 21 xogadoras do primeiro equipo do Dépor ABANCA xa teñen dorsais
